Grindavíkurbær auglýsir eftir starfsfólki
Grindavíkurbær auglýsir eftir öflugu og metnaðarfullu starfsfólki til starfa. Um er að ræða spennandi tækifæri fyrir einstaklinga sem vilja taka þátt í uppbyggingu og þróun samfélagsins í Grindavík.
Umsóknarfrestur um öll störfin er til 31. maí 2026. Nánari upplýsingar um störfin og umsóknarfrest má finna á ráðningavef sveitarfélagsins.
Öll áhugasöm eru hvött til að sækja um, sérstaklega þau sem hafa áhuga á að taka þátt í áframhaldandi uppbyggingu samfélags og menningarstarfs í Grindavík.
Leik- og grunnskólakennarar
Nýr samrekinn leik- og grunnskóli í Grindavík leitar að kennurum fyrir skólaárið 2026–2027. Um er að ræða 100% stöður í grunnskóla og 80–100% stöður fyrir leikskólakennara.
Skólinn tekur til starfa 1. ágúst 2026 og verður ætlaður börnum frá 12 mánaða aldri til 10. bekkjar. Lögð verður áhersla á skapandi og metnaðarfullt skólastarf þar sem vellíðan barna, fjölbreyttir kennsluhættir, læsi og leiðsagnarnám verða í forgrunni.
Leitað er að jákvæðum og metnaðarfullum einstaklingum sem hafa áhuga á að taka þátt í uppbyggingu framsækins skólasamfélags í Grindavík.
Nánari upplýsingar veitir Guðlaug Erlendsdóttir, skólastjóri, í síma 845-5121 eða á netfanginu gudlauge@grindavik.is.
Félagsráðgjafi
Grindavíkurbær auglýsir 80–100% starf félagsráðgjafa laust til umsóknar. Um er að ræða fjölbreytt starf þar sem lögð er áhersla á faglega þjónustu við einstaklinga og fjölskyldur, farsæld barna, ráðgjöf og samfélagsverkefni.
Leitað er að einstaklingi með starfsréttindi í félagsráðgjöf, reynslu af störfum í félagsþjónustu sveitarfélaga og framúrskarandi hæfni í mannlegum samskiptum.
Nánari upplýsingar veitir Nökkvi Már Jónsson, sviðsstjóri félagsþjónustu- og fræðslusviðs, í síma 420-1100 eða á netfanginu nmj@grindavik.is.
Forstöðumaður Bókasafns Grindavíkur
Grindavíkurbær auglýsir einnig 75% starf forstöðumanns Bókasafns Grindavíkur laust til umsóknar.
Um er að ræða fjölbreytt og skapandi starf þar sem áhersla er lögð á þjónustu við íbúa á öllum aldri, sérstaklega börn og ungmenni, ásamt virkri þátttöku í menningar- og samfélagsverkefnum sveitarfélagsins.
Forstöðumaður gegnir lykilhlutverki í að efla læsi, menningu og samfélagslega þátttöku í Grindavík, auk þess að hafa umsjón með starfsemi Kvikunnar menningarhúss.
Nánari upplýsingar veitir Eggert Sólberg Jónsson í síma 420-1100 eða á netfanginu eggert@grindavik.is.
