Vel heppnað ungmennaþing í Grindavík
Þann 23. mars fór fram ungmennaþing í Kvikunni þar sem ungmenni úr Grindavík komu saman og ræddu framtíð bæjarins, vonir sínar og væntingar.
Umræður á þinginu voru líflegar og fram komu fjölmargar áhugaverðar hugmyndir um samfélagið, skólamál, tómstundir, aðstöðu og þátttöku ungmenna í uppbyggingu bæjarins.
Þá áttu ungmennin einnig samtal við forseta Íslands, Höllu Tómasdóttur og Björn Skúlason sem ræddu við þau um Grindavík, lýðræðislega þátttöku og tækifæri ungmenna úr Grindavík.
Á næstu vikum verður unnið markvisst úr þeim tillögum sem komu fram á þinginu. Ungmennaráð mun í framhaldinu funda með bæjarstjórn þar sem hugmyndir og áherslur ungmenna verða kynntar.
Myndir frá þinginu má sjá á Facebook síðu Grindavíkurbæjar.
Grindavíkurbær þakkar öllum þátttakendum fyrir mikilvægt framlag til uppbyggingar Grindavíkur.
