Starfs­fólki og fyr­ir­tækj­um í Grinda­vík fer fjölg­andi

Atvinnuteymi Grindavíkurbæjar framkvæmir reglulega kannanir á stöðu atvinnulífs í Grindavík. Markmiðið er að öðlast betri innsýn í umfang atvinnurekstrar í bænum.

Alls starfa 1.418 hjá fyrirtækjum í Grindavík en ekki er allt starfsfólk við störf á sama tíma, s.s. vegna vaktavinnu, hlutastarfa, veikinda, orlofs eða annarrar fjarveru.

67 fyrirtæki voru starfandi í Grindavík þegar mælingin fór fram en þau voru 60 í byrjun janúar. Hefur starfandi fyrirtækjum því fjölgað um 7 á þeim tíma.

Könnunin náði eingöngu til þess starfsfólks sem mætir til vinnu í Grindavík, en ekki þeirra sem vinna fyrir grindvísk fyrirtæki utan sveitarfélagsins. Þá er starfsfólk fyrirtækja með skráð aðsetur utan Grindavíkur ekki talið með, svo sem verktakar eða utanaðkomandi þjónusta fyrir fyrirtæki í sjávarútvegi.