Pétur sest í sófann á miðvikudögum
Pétur G. Markan bæjarstjóri ætlar að setjast reglulega í sófann í íþróttahúsinu í vetur og bjóða Grindvíkingum í óformlegt spjall um bæjarmálin.
Sófaspjallið verður annan hvern miðvikudag frá kl. 16:00 til 17:00 og hefst miðvikudaginn 9. september.
Markmiðið er að skapa einfaldan og aðgengilegan vettvang þar sem bæjarbúar geta komið við, fengið upplýsingar um stöðu mála, rætt það sem efst er á baugi og komið mikilvægum verkefnum, ábendingum og hugmyndum á framfæri.
Ekki er um fyrirfram ákveðna dagskrá að ræða. Umræðuefnið ræðst einfaldlega af því sem Grindvíkingar vilja ræða hverju sinni.
Pétur verður í sófanum að jafnaði til kl. 17:00, og jafnvel lengur ef tilefni er til.
Grindvíkingar eru hvattir til að líta við, setjast niður með bæjarstjóra og ræða það sem þeim brennur í brjósti.
