29. janúar 2026
Tjónamati í Grindavík að mestu lokið
Tjónamati í Grindavík er nú að mestu lokið, en fáein mál eru enn í vinnslu. Hluti matsins fól í sér ítarlega jarðkönnun við valdar eignir til að meta hvort þær teljist viðgerðarhæfar.
Jarðkönnunin var framkvæmd af sérfræðingum í jarð- og jarðverkfræði og byggði á kortlagningu sprungna í bænum. Alls var talin þörf á nánari rannsóknum á 47 lóðum þar sem grafið var með gröfu að sprungum í bergi og/eða framkvæmd nánari sjónskoðun.
Nánari upplýsingar um framkvæmd matsins og niðurstöður jarðkönnunar má finna í frétt á vef Náttúruhamfaratryggingar Íslands.
