Starf sviðs­stjóra skipu­lags- og um­hverf­is­sviðs laust til um­sóknar

Um er að ræða einstakt og mikilvægt tækifæri til að taka þátt í endurreisn samfélags sem stendur frammi fyrir uppbyggingu og þróun einstaks mannlífs og atvinnulífs.

Sviðsstjóri veitir sviðinu faglega og stjórnunarlega forystu og starfar í samræmi við stefnur sveitarfélagsins og lög og reglugerðir er varða starfsemina. Sviðsstjóri gegnir lykilhlutverki í þróun og uppbyggingu sveitarfélagsins og tekur þátt í að móta framtíðarsýn þess með áherslu á vandaða stjórnsýslu og góða þjónustu við íbúa og atvinnulíf. Heildarendurskoðun aðalskipulags er fyrirhuguð í sveitarfélaginu og mun sviðsstjóri leiða það verkefni.

Grindavík verður áfram verðmætaskapandi lífsgæðaumhverfi. Þetta er spennandi tækifæri fyrir aðila sem þrífst vel í síbreytilegu umhverfi og býr yfir vilja til að taka þátt í næstu sögulegu skrefum í endurreisn bæjarins.

Helstu verkefni og ábyrgð

• Fagleg, stjórnunarleg og rekstrarleg forysta.
• Ábyrgð á skipulagsgerð og útgáfu framkvæmdaleyfa.
• Ábyrgð á starfs-, fjárhags- og framkvæmdaáætlun sviðsins.
• Ábyrgð á rekstri og viðhaldi mannvirkja í eigu sveitarfélagsins sem og útboðum og gerð samninga í tengslum við rekstur mannvirkja.
• Samskipti við bæjarstjórn, bæjarráð, fastanefndir sveitarfélagsins á vettvangi málaflokkanna, önnur sveitarfélög, stofnanir, íbúa og aðra hagaðila.
• Kemur að mótun og framfylgir stefnu sveitarfélagsins í málaflokkum sviðsins.
• Umsjón með stefnumótun í þeim málaflokkum sem undir hann heyra í samvinnu við fagnefnd sviðsins.
• Starfar í samræmi við skipulagslög, mannvirkjalög og önnur lög sem heyra undir verksviðið.
• Ráðgjöf, undirbúningur og framlagning mála fyrir fagnefnd sviðsins og bæjarráð ásamt eftirfylgni mála.

Menntunar- og hæfniskröfur

• Háskólapróf á sviði verk- og tæknigreina.
• Réttindi til að starfa sem skipulagsfulltrúi eru æskileg.
• Reynsla af skipulagsgerð og skipulagsmálum er æskileg.
• Þekking eða reynsla af verkefnum á sviði byggingar-, framkvæmda, skipulags-, eða umhverfismálum er æskileg.
• Þekking og reynsla af opinberri stjórnsýslu og störfum hjá sveitarfélagi er kostur.
• Leiðtoga- og samskiptahæfni.
• Góð íslensku- og enskukunnátta og hæfni til að tjá sig í ræðu og riti.
• Góð tölvukunnátta og áhugi á stafrænum umbótum.

Sótt er um starfið á vef Hagvangs. Umsókninni skal fylgja ítarleg ferilskrá, auk kynningarbréfs þar sem gerð er grein fyrir ástæðu umsóknar auk rökstuðningi fyrir hæfni viðkomandi í starfið.

Við hvetjum áhugasamt fólk til að sækja um, sérstaklega einstaklinga sem hafa áhuga á að taka þátt í áframhaldandi uppbyggingu samfélagsins í Grindavík. Öllum umsóknum verður svarað þegar ákvörðun liggur fyrir.

Upplýsingar veitir

Geirlaug Jóhannsdóttir – geirlaug@hagvangur.is.