Fjörugur föstudagur
- Grindavík
- 27. nóv. 2026, kl. 16:00
Hinn árlegi Fjörugi föstudagur verður haldinn í Grindavík föstudaginn 27. nóvember.
Sem fyrr verður þungamiðja dagskrár á Hafnargötunni þar sem verslun og þjónusta verða í öndvegi, en einnig verður opið hjá fyrirtækjum víðar í bænum.
Við hvetjum Grindvíkinga og aðra gesti til að gera sér ferð í bæinn, heimsækja fyrirtækin, versla í heimabyggð og njóta aðventustemningarinnar.
Fyrirtæki, verslanir, þjónustuaðilar og félagasamtök eru hvött til að taka þátt og leggja sitt af mörkum til að gera daginn sem líflegastan.
Hafnargata
16:00-21:00 Aðventukvöld VIGT
Kveikt verður á ljósum jólanna og dúett Dæja & Jómba mætir að venju og fyllir húsið af ljúfum tónum. Jólaandinn bíður ykkar í VIGT.
16:00-19:00 Fjölskyldudagskrá í Kvikunni
Opið í hús í Kvikunni þar sem Grindavíkurbær, Slökkvilið Grindavíkur o.fl. standa fyrir fjölskyldudagskrá:
- Grindavíkurdætur syngja jólalög
- Jólasveinarnir kíkja í heimsókn
- Bjössi brunabangsi og Geitin skoða tækjabúnaðinn hjá slökkviliðinu
- Markaðstorg með sölubásum og kynningum
- Piparkökur og heitt súkkulaði í boði fyrir gesti
16:00-19:00 Heimapartý Vísis í Sævík
Bakkalábandið ásamt Pétri Markan spilar jólalög. Boðið verður upp á saltfiskrétti og drykki.
17:00-19:00 Jólaverkstæði í Grindinni
Grindin býður ykkur velkomin í heimsókn á verkstæðið. Börnum gefst kostur á að taka þátt í að útbúa lítinn jólahlut og taka hann með sér heim.