Skipulagsnefnd - 110. fundur

Undir dagskrárliðnum sátu þau Bergsteinn Ólafsson og Eydís Ármannsdóttir umferðaröryggisfulltrúar skipulagsnefnar.

Drög að stefnu Grindavíkurbæjar í umferðaröryggismálum lögð fram eftir umsagnir frá Lögreglunni á Suðurnesjum, Samgöngustofu og Vegagerðinni.

Eftirfarandi bætt við drögin:

- Hraði á Ránargötu neðan Mánagötu verður 50 km/klst

- Þungatakmarkanir verði settar á Víkurbraut neðan Sunnubrautar.

Skipulagsnefnd leggur til að stefnan verði kynnt íbúum í upphafi árs 2023. Stefnt er að því að hún taki gildi vorið/sumarið 2023.

Skipulagsnefnd vísar erindu til bæjarráðs til umfjöllunar.

Samherji fiskeldi sækir um óverulega breytingu á deiliskipulagi fyrir Stað vestan Grindavíkur. Sótt er um stækkun á byggingarreit um 263 m2. Samþykki landeiganda fyrir deiliskipulagsbreytingunni liggur fyrir.

Skipulagsnefnd samþykkir að um óverulega breytingu á deiliskipulagi fyrir Stað sé að ræða. Í ljósi þess að samþykki landeiganda liggur fyrir fellur skipulagsnefnd frá grenndarkynningu þar sem breytingin varðar ekki aðra en sveitarfélagið og umsækjanda ( sbr. 3 mgr. 44 gr. skipulagslaga nr. 123/2010).

Skipulagsnefnd samþykkir deiliskipulagstillöguna. Í samræmi við viðauka 1.1 við bæjarmálasamþykkt Grindavíkurbæjar er um fullnaðarafgreiðslu að ræða. Skipulagsfulltrúa er falið að afgreiða skipulagsbreytinguna til Skipulagsstofnunar í samræmi við skipulagslög.

Smiðshöggið ehf. óskar eftir breytingu á deiliskipulagi fyrir Spóahlíð 3. Sótt er um að fá að breytta byggingareit fyrir 12 íbúðir. Jafnframt breytingar á innkeyrslu og tilfærslu á lóðarmörkum án breytinga á lóðarstærð.

Skipulagsnefnd samþykkir að farið verði með framlagða tillögu að breytingu á deiliskipulagi fyrir Spóahlíð 3 í samræmi við 2. mgr. 43. gr. skipulagslaga nr. 123/2010. Skipulagsfulltrúa er falið að grenndarkynna skipulagstillöguna fyrir lóðarhöfum við Spóahlíð 1, 5 og 9.

Lóðarhafi ber að greiða allan þann kostnað sem af breytingunni hlýst. Auk hinnar eiginlegu skipulagsvinnu þá má t.d. nefna breytingu á grunngögnum deiliskipulags og lóðarblöðum, kostnað sem verður til við færslu á innviðum á skipulagssvæðinu vegna breytingarinnar o.s.frv.

Skipulagsfulltrúi óskar eftir að gerð verði breyting á deiliskipulagi lóðarinnar við Seljabót 2a. Óskað eftir að útbúin verði byggingarreitur undir dælustöð fyrir fráveitukerfi.

Skipulagsnefnd samþykkir að farið verði í deiliskipulagsbreytinguna og óskar umsagnar frá hafnarstjórn um tillöguna áður en áfram er haldið.

Drög að breyttri gjaldskrá byggingarleyfis-, skipulags- og þjónustugjalda Grindavíkurbæjar lögð fram.

Skipulagsnefnd samþykkir drögin og vísar þeim til umfjöllunar í bæjarráði og afgreiðslu í bæjarstjórn.

Drög að breytingum á reglum um lóðarúthlutanir Grindavíkurbæjar lögð fram.

Skipulagsnefnd samþykkir drögin og vísar þeim til umfjöllunar í bæjarráði og afgreiðslu í bæjarstjórn.

Reykjanesbær óskar umsagnar við vinnslutillögu aðalskipulagsbreytingar á Reykjanesi. Breytingin varða stækkun á iðnaðarsvæði i5 og aukning á byggingarmagni. Gert er ráð fyrir uppbyggingu fiskeldis á svæðinu.

Skipulagsnefnd gerir ekki athugasemd við skipulagstillöguna og vísar afgreiðslu málsins til afgreiðslu bæjarstjórnar.