Skipulagsnefnd - 102. fundur

Varamennirnir Kristín Ragnheiður Eiríksdóttir, Sverrir Auðunsson og Sigurjón Þórðarson sátu fundinn undir dagskrárliðnu sem áheyrnafulltrúar.

Hlutverk nefndarinnar rætt ásamt lagaumhverfi og helstu reglum sem heyra undir nefndina. Farið yfir bæjarmálasamþykkt, byggingarreglugerð, skipulagslög, lög um mannvirki, reglur um lóðarúthlutanir og samþykkt um gatnagerðargjald.

Drög að deiliskipulagstillögu íþróttasvæðis lögð fram til umfjöllunar. Þá eru lagðar fram þær hugmyndir sem íbúar settu fram um svæðið í íbúakönnun á heimasíðu Grindavíkurbæjar.

Skipulagsnefnd felur sviðsstjóra að vinna málið áfram.

Drög að deiliskipulagstillögu fyrir Þorbjörn og nærsvæði hans lögð fram til umfjöllunar.

Skipulagsnefnd felur sviðsstjóra að vinna málið áfram.

Þorbjörn hf. óskar eftir heimild til að breyta deiliskipulagi fyrir lóðina Hafnargötu 8.

Skipulagsnefnd samþykkir erindið. Með vísan til viðauka 1.1. bæjarmálasamþykktar nr. 530/2022 er um fullnaðarafgreiðslu að ræða.

Tvær tillögur að deiliskipulagsbreytingu fyrir lóðina Spóahlíð 3 lagðar fram.

Skipulagsnefnd hafnar framlögðum tillögum þar sem tillögurnar eru of langt frá því skipulagi sem nýlega var unnið fyrir hverfið.

Lóðarhafi leggur fram beiðni í tveimur liðum um breytingu á hæð á botnplötum á raðhúsum við Lóuhlíð 11-15 og minnkun á byggingarreit.

Skipulagsnefnd samþykkir aðalbeiðni, þ.e. breytingar á hæðarkótum við Lóuhlíð 11-15 þannig að hæðarkóti (GK) aðalgólfs allra íbúða verði 11,65 m. Skipulagsnefnd hafnar aukabeiðni um minnkun á byggingarreit.

Skipulagsnefnd vekur athygli lóðarhafa/umsækjanda á eftirfarandi:

Hæðarkótar við lóðarmörk eru óbreyttir. Þá ber lóðarhafa að greiða allan þann kostnað sem að breytingun hlýst.

Lóðarhafi leggur fram beiðni í þremur liðum (aðalbeiðni, varabeiðni og aukabeiðni) um breytingar á byggingarreit og lóðamörkum innbyrgðis milli raðhúsanna við Fálkahlíð 1-5.

Skipulagsnefnd samþykkir varabeiðni um að lóðarmörkum milli einstakra lóða verðir hliðrað þannig að þau endurspegli 11 metra breidd hverrar íbúðar. Skipulagsnefnd hafnar aðalbeiðni og aukabeiðni um minnkun á byggingarreit, þ.e. byggingarmagn á lóðunum þremur helst óbreytt.

Skipulagsnefnd vekur athygli lóðarhafa/umsækjanda á eftirfarandi:

Lóðarhafi ber að greiða allan þann kostnað sem af breytingun hlýst.

Byggingarleyfisumsókn frá Hallfríði Helgu Guðfinnsdóttur vegna Fálkahlíðar 4-6 lögð fram. Byggingaráformin eru ekki í samræmi við deiliskipulag hvað varðar hlutfall byggingar í bundinni línu við götu. Samkvæmt skipulagi á bindandi byggingalina að vera 60% af framhlið hús en er rúm 37%.

Skipulagsnefnd samþykkir byggingaráformin og er fallið frá kröfum um breytingu á deiliskipulagi í samræmi við 3. mgr. 43. gr. skipulagslaga nr. 123/2010. Með vísan til viðauka 1.1. bæjarmálasamþykktar nr. 530/2022 er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Fasteignafélag Keflavíkur ehf sækir um byggingarleyfi fyrir byggingu iðnaðarhúsnæðis með 10 geymslubilum við Ufsasund 2-4.

Skipulagsnefnd samþykkir byggingaráformin. Með vísan til viðauka 1.1. bæjarmálasamþykktar nr. 530/2022 er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Einherjar ehf. óskar eftir byggingarleyfi fyrir raðhúsi við Fálkahlíð 7-11. Óskað er eftir undanþágu frá grein í deiliskipulagi um lágmark 60% af hlið verði við bundna byggingalínu (við götu). Skv. umsókn og teikningum sem henni fylgja er hlutfall byggingar í bundinni byggingarlínu 32%. Þá er hæð aðagólfs í báðum íbúðum til endana sett jafnt miðjuhúsinu, þ.e. hækkun og lækkun um 20 cm.

Skipulagsnefnd samþykkir byggingaráformin og er fallið frá kröfum um breytingu á deiliskipulagi í samræmi við 3. mgr. 43. gr. skipulagslaga nr. 123/2010. Með vísan til viðauka 1.1. bæjarmálasamþykktar nr. 530/2022 er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Erla Ósk Pétursdóttir vék af fundi við umræðu og afgreiðslu málsins.

Vísir hf. sækir um byggingarleyfi vegna stækkunar byggingar við Miðgarð 3.

Skipulagsnefnd samþykkir byggingaráformin. Með vísan til viðauka 1.1. bæjarmálasamþykktar nr. 530/2022 er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Há-Brún ehf sækir um byggingarleyfi vegna Marargötu 3. Um er að einbýlishúsi á tveimur hæðum á 825 m² lóð við Marargötu 3. Sótt er um skiptingu á íbúðarhlutum í 3 hluta.

Skipulagsnefnd felur sviðsstjóra að grenndarkynna áformin fyrir lóðarhöfum við Marargötu og Ránargötu 4 og 6.

Þórkatla ehf. sækir um byggingarleyfi vegna Túngötu 5. Sótt er um leyfi til að innrétta litla íbúð í bílskúr ásamt smávægilegum útlitsbreytingum.

Skipulagsnefnd felur sviðsstjóra að grenndarkynna áformin fyrir lóðarhöfum við Túngötu 3, 6, 7,8 og Víkurbraut 32 og 34.

Lilja Sigmarsdóttir vék af fundi við umfjöllun og afgreiðslu málsins.

Anna Karen Sigurjónsdóttir sækir um byggingarleyfi fyrir byggingu einbýlishúss við Arnarhlíð 5. Óskað er eftir undanþágu frá grein í deiliskipulagi um lágmark 60% af hlið verði við bundna byggingalínu (við götu). Skv. umsókn og teikningum sem henni fylgja er hlutfall byggingar í bundinni byggingarlínu 40%.

Skipulagsnefnd samþykkir byggingaráformin og er fallið frá kröfum um breytingu á deiliskipulagi í samræmi við 3. mgr. 43. gr. skipulagslaga nr. 123/2010. Með vísan til viðauka 1.1. bæjarmálasamþykktar nr. 530/2022 er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Steinberg Reynisson vék af fundi við umfjöllun og afgreiðslu málsins.

Grenndarkynningu vegna byggingarleyfisumsóknar við Stamphólsveg 4 er lokið án athugasemda. Sótt var um að breyta neðri hæð atvinnuhúsnæðis þannig að gisting verði á neðri hæð í stað verkstæðis og sýningarrýmis. Rými verður skipt í 2 gistieiningar með svefnherbergi, snyrtingu, alrými og tilheyrandi rými. Útlit húss breytist ekki. Húsnæðið verður áfram atvinnuhúsnæði, þ.e. umsækjandi ætlar að leigja húsið út í skammtímaleigu (minniháttar gistiheimili).

Skipulagsnefnd samþykkir byggingaráformin. Með vísan til viðauka 1.1. bæjarmálasamþykktar nr. 530/2022 er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Matskyldufyrirspurn vegna efnistöku í Grjótnámu í Eldvarpahrauni í i5 lögð fram.

Skipulagsnefnd felur sviðsstjóra að senda erindið inn til Skipulagsstofnunar.

A1 hús ehf. óska eftir að gerðar verði breytingar á hæðarkótum á botnplötu raðhúsa við Spóahlíð 2-10 þannig að hús númer 2,4 og 6 verði í kóta 17,55 og hús númer 8 og 10 verði í kóta 16,90. Kótar umræddra lóða eru í dag eftirfarandi:

Spóahlíð 2: 17,10 m

Spóahlíð 4: 16,95 m.

Spóahlíð 6: 16,80 m.

Spóahlíð 8: 16,65 m.

Spóahlíð 10:16,50 m.

Skipulagsnefnd felur sviðsstjóra að grenndarkynna byggingaráformin fyrir lóðarhöfum við Mávahlíð 1,3 5 og 7.

Fundargerð afgreiðslunefndar byggingar- og skipulagsmála nr. 61 lögð fram.