Skipulagsnefnd - 94. fundur

Erla Bryndís Kristjánsdóttir frá Verkís sat fundinn undir dagskrárliðnum.

Farið yfir greinargerð og deiliskipulagsuppdrátt og gerðar smávægilegar breytingar.

Sviðsstjóra falið að vinna málið áfram.

Máli frestað þar sem umsagnir bárust ekki frá Umhverfisstofnun og Minjastofnun Íslands.

Sótt er um byggingarleyfi fyrir byggingu félagsaðstöðu eldri borgara við Víðihlíð. Teikningar arkitekts lagðar fram.

Skipulagsnefnd samþykkir byggingaráformin fyrir félagsaðstöðu eldri borgara við Víðihlíð. Erindinu er vísað til bæjarstjórnar til fullnaðarafgreiðslu. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Óskað er framkvæmdaleyfis fyrir framkvæmdum við Eldvörp. Verkefnið er unnið í samvinnu við Geopark. Umsögn Umhverfisstofnunar og samþykki Ríkiseigna og HS orku liggur fyrir.

Skipulagsnefnd samþykkir að veita framkvæmdaleyfið fyrir sitt leyti og vísar erindinu til fullnaðarafgreiðslu bæjarstjórnar.

Í sjávarflóði þann 6.janúar sl. varð golfvöllurinn við Húsatóftir, vestan Grindavíkur, fyrir tjóni af völdum grjóts sem dreifðist viða um völlinn niður við sjó. Sambærilegur atburður átti sér stað í febrúar 2020.

Bókun:

Skipulagsnefnd hvetur Vegagerðina til þess að gera úttekt á sjóvarnargörðunum m.a. við golfvöllinn og gera þær úrbætur sem þarf til að lágmarka tjón komi til sambærilegs atburðar aftur.

Skipulagsnefnd felur sviðsstjóra að ræða við Vegagerðina.

Vísir hf. óskar eftir heimild til að hefja vinnu við að breyta deiliskipulagi við Miðgarð 3 vegna stækkunar á fiskvinnsluhúsnæði.

Skipulagsnefnd heimilar Vísi hf. að hefja vinnu við deiliskipulagsbreytingu við Miðgarð 3. Vinnan skal unnin í samráði við Hafnarstjórn.

Sviðsstjóra falið að vinna málið áfram.

Fundargerð afgreiðslunefndar nr. 56 lögð fram.