Skipulagsnefnd - 101. fundur

Hjálmar Vilhjálmsson og Aðalsteinn Snorrason fulltrúar lóðarhafa við Spóahlíð 3 mæta til fundarins undir dagskrárliðnum til að ræða skipulag lóðarinnar og möguleika á breytingu.

Sveitarfélagið Ölfus óskar eftir umsögn um endurskoðað aðalskipulag Sveitarfélagsins Ölfus 2020-2036.

Skipulagsnefnd bendir á að ekki sé samræmi milli stíga á sveitarfélagamörkum Grindavíkurbæjar og Ölfus.

Skipulagsnefnd gerir að öðru leyti ekki athugasemdir við skipulagstillöguna og vísar erindinu til afgreiðslu bæjarstjórnar.

Reykjanesbær óskar eftir umsögn um endurskoðað aðalskipulag sveitarfélagsins 2020-2035.

Skipulagsnefnd gerir athugasemd við að ekki er samræmi syðst á sveitarfélagamörkum á gildandi aðalskipulagi Grindavíkurbæjar 2018-2032 og á skipulagstillögunni frá Reykjanesbæ.

Skipulagsnefnd bendir jafnframt á að ekki sé samræmi milli stíga á sveitarfélagamörkum Grindavíkurbæjar og Reykjanesbæjar.

Erindinu er vísað til afgreiðslu bæjarstjórnar.

Grenndarkynningu á deiliskipulagsbreytingu við Miðgarð 3 er lokið án athugasemda. Málsmeðferð skipulagstillögu er samkvæmt 2. mgr. 43. gr. skipulagslaga nr. 123/2010.

Skipulagsnefnd samþykkir deiliskipulagsbreytinguna. Í samræmi við 6 gr. samþykktar um skipulagsnefnd í Grindavík þá er um fullnaðarafgreiðslu að ræða.

Sótt er um breytingu á byggingarleyfi fyrir byggingu félagsaðstöðu eldri borgara við Víðihlíð. Breytingar er vegna breytinga á skipulagi 2 hæðar og útliti byggingar.

Skipulagsnefnd samþykkir byggingaráformin. Erindinu er vísað til bæjarstjórnar til fullnaðarafgreiðslu. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Fyrirspurn Sæbýlis um lóð við Suðurgarð til umræðu.

Skipulagsnefnd veitir sviðsstjóra heimild til að vinna breytingar á skipulagi lóðarinnar í samráði við Sæbýli að fengnu vilyrði bæjarstjórnar.

Erindinu er vísað til afgreiðslu bæjarstjórnar.

Tjald ehf. hefur sótt um rekstrarleyfi í flokki II F til sýslumanns. Byggingarfulltrúi vísar málinu til skipulagsnefndar til þess að meta hvort beiðnin samrýmist skipulagi á svæðinu.

Skipulagsnefnd telur að rekstrarleyfið í flokki II F sé ekki í andstöðu við skipulag svæðisins.