Skipulagsnefnd - 53. fundur

Skipulagsnefnd leggur til eftirfarandi breytingar á reglum um lóðarúthlutanir:

Núgildandi:

3.2.1. Umsækjandi skal vera 18 ára eða eldri, fjárráða og skuldlaus við sveitarfélagið. Umsækjandi skal ekki vera undir gjaldþrotaskiptum né hafa orðið gjaldþrota á síðustu 5 árum frá lóðarúthlutun. Ef umsækjandi er lögaðili skal hann standa í skilum með opinber gjöld þ.m.t. tryggingargjald, virðisaukaskatt og lífeyrissjóðsgjald. Skila skal inn vottorði þess efnis frá sýslumanni ef þess er sérstaklega óskað.

Tillaga skipulagsnefndar:

3.2.1. Umsækjandi skal vera 18 ára eða eldri, fjárráða og skuldlaus við sveitarfélagið. Umsækjandi skal ekki vera undir gjaldþrotaskiptum né hafa orðið gjaldþrota á síðustu 5 árum frá lóðarúthlutun. Ef umsækjandi er lögaðili skal hann standa í skilum með opinber gjöld þ.m.t. tryggingargjald, virðisaukaskatt,lífeyrissjóðsgjald og skal ekki vera á vanskilaskrá. Skila skal inn vottorði þess efnis frá sýslumanni og Creditinfo ef þess er sérstaklega óskað.

Núgildandi:

3.2.5. Hægt er að sækja um eina lóð og aðra til vara.

Tillaga skipulagsnefndar:

3.2.5. Hægt er að sækja um eina lóð og aðrar til vara í sama notkunarflokki.

Lögaðilar geta sótt um tvær lóðir og aðrar til vara í sama notkunarflokki.

Núgildandi:

4. gr.

Úthlutun

Ef fleiri en ein gild umsókn berst skal dregið. Útdráttur skal fara fram á reglulegum afgreiðslufundum byggingamála á skrifstofum sveitarfélagsins.

Umsækjendur skulu vera viðstaddir eða aðilar með skriflegt umboð frá umsækjanda.

Tillaga skipulagsnefndar:

4. gr.

Úthlutun

Ef fleiri en ein gild umsókn berst um sömu lóð skal að jafnaði fara fram útdráttur.

Við útdrátt skal dregið úr þeim umsóknum sem uppfylla skilyrði 3. gr. þessara reglna. Útdráttur skal fara fram á reglulegum afgreiðslufundum byggingamála á skrifstofum sveitarfélagsins. Umsækjendur hafa heimild til að vera viðstaddir útdráttinn eða aðilar með skriflegt umboð frá umsækjanda.

Til þess að gæta jafnræðis meðal umsækjenda eru þeir umsækjendur sem þegar hafa fengið úthlutað lóð á hverjum fundi ekki þátttakendur í næstu útdráttum á sama fundi fyrir lóðir í sama notkunarflokki, fyrr en allir umsækjendur hafa fengið úthlutað lóð.

Einstaklingar hafa forgang við úthlutun einbýlishúsalóða.

Lagt fram til kynningar.

Skipulagsnefnd telur að miðað við kostnaðaráætlun og mögulega nýtingu á mannvirkinu sé óæskilegt að ráðast í þessa framkvæmd.

Drög að bókun:

Tekin er fyrir tillaga að óverulegri breytingu á deiliskipulagi norðan Hópsbrautar sem tók gildi þann 13.12.06 og var unnið af Verkfræðistofu Suðurnesja. Breyting er gerð á byggingarreitum og nýtingarhlutfalli við Víkurhópi 16-22. Skipulagsnefnd samþykkir að fara með skipulagsbreytinguna sem óverulega og grenndarkynna skv. 2.mgr. 43. gr. skipulagslaga nr. 123/2010.

Sviðsstjóra skipulags- og umhverfissviðs er falið að grenndarkynna deiliskipulagsbreytinguna.

Erindinu er frestað.

Samþykkt með fjórum atkvæðum, Guðmundur greiðir atkvæði á móti.

Lilja Ósk Sigmarsdóttir vék af fundi við afgreiðslu málsins.

Bókun:

Fyrirhuguð er uppbygging á lóðinni Verbraut 1. Teknar eru fyrir tillögur að óverulegum breytingum á skipulagsáætlunum: Aðalskipulag Grindavíkur 2010-2030, deiliskipulag miðbæjar- hafnarsvæði og deiliskipulag gamli bærinn, dags. janúar 2019. Breytingarnar eru gerðar vegna breyttrar landnotkunar og fyrirhugaðrar uppbyggingar á Verbraut 1. Skipulagsnefnd hefur samþykkt að fara með skipulagsbreytingarnar sem óverulegar. Tillögurnar voru grenndarkynntar frá 15. febrúar til 15. mars 2019. Tvær athugasemdir bárust sem fjalla um landnotkun á aðliggjandi lóðum, efni þeirra hefur verið vísað í ferli endurskoðunar aðalskipulags Grindavíkur. Umsögn Minjastofnunar barst einnig með fyrirvara um aldur Valgerðarhúss.

Skipulagsnefnd leggur til að bæjarstjórn samþykki óverulegar breytingar á aðal- og deiliskipulagsáætlunum óbreyttar skv. 2. mgr. 36. gr. og 2. mgr. 43. gr. skipulagslaga 123/2010. Reynist Valgerðarhús friðað og fyrirhugað að gera það upp, mun skipulagsnefnd leggja til að það verði flutt og gert upp á betri stað í gamla bæ Grindavíkur í samráði við Minjastofnun.