Skipulagsnefnd - 123. fundur

Fyrir liggur tillaga aðalskipulagsbreytingar fyrir íþróttasvæði (ÍÞ1) og íbúðarbyggð (ÍB7) í Grindavík. Í tillögunni felst að íbúðarbyggð (ÍB7) er stækkuð um 5750m2 til suðurs og opið svæði (OP) og íþróttasvæði (ÍÞ1) minnka sem breytingunni nemur. Vinnslutillaga var kynnt skv. 30 gr. skipulagslaga nr. 123/2010 með athugasemdarfresti til 18. júlí 2023. Skipulagsnefnd tók fyrir þær umsagnir sem komu.

Skipulagsnefnd frestar erindinu og felur sviðsstjóra að boða fulltrúa knattspyrnudeildar, framkvæmdastjóra og formann U.M.F.G til næsta fundar.

Uppfærð vinnslutillaga lögð fram fyrir hverfisskipulag Hrauns, Varar og Mánahverfis, greinargerð, uppdráttur og samráðsgátt.

Skipulagsfulltrúa falið að setja vinnslutillöguna í kynningu fyrir umsagnaraðilum og íbúum hverfisins.

Framkvæmdaleyfisumsókn tekin fyrir. Umsagnir Umhverfisstofnunar og Náttúrufræðistofnunnar Íslands lagðar fram.

Fyrirhuguð framkvæmd er í samræmi við aðalskipulag Grindavíkurbæjar 2018-2032. Skipulagsnefnd samþykkir framkvæmdaleyfið og felur skipulagsfulltrúa að gefa út framkvæmdaleyfið.

Grenndarkynningu vegna byggingaráforma við Ásabraut 5 er lokið án athugasemda.

Með vísan til 42. gr. sveitarstjórnarlaga nr. 138/2011 og viðauka 1.1. bæjarmálasamþykktar nr. 530/2022 er um fullnaðarafgreiðslu að ræða af hálfu skipulagsnefndar.

Byggingarfulltrúi tekur við málinu í samræmi við byggingarreglugerð nr. 112/2012.

Grenndarkynningu vegna byggingaráforma við Heiðarhraun 3 er lokið án athugasemda.

Með vísan til 42. gr. sveitarstjórnarlaga nr. 138/2011 og viðauka 1.1. bæjarmálasamþykktar nr. 530/2022 er um fullnaðarafgreiðslu að ræða af hálfu skipulagsnefndar.

Byggingarfulltrúi tekur við málinu í samræmi við byggingarreglugerð nr. 112/2012.

Grenndarkynningu vegna byggingaráforma við Túngötu 7 er lokið án athugasemda þá liggur fyrir umsögn Minjastofnunar Íslands sem gerði ekki athugasemd.

Með vísan til 42. gr. sveitarstjórnarlaga nr. 138/2011 og viðauka 1.1. bæjarmálasamþykktar nr. 530/2022 er um fullnaðarafgreiðslu að ræða af hálfu skipulagsnefndar.

Byggingarfulltrúi tekur við málinu í samræmi við byggingarreglugerð nr. 112/2012.

Þórhallur Garðarsson fyrir hönd Þórkötlu ehf. óskar eftir byggingarleyfi vegna breytinga á Túngötu 1 skv. svohljóðandi lýsingu:

Mhl. 01: Steyptur stigi er fjarlægður, inngangur á jarðhæð verður þar sem stigi var.

Mhl. 02: Gluggi verður settur í vegg þar sem inngangur inn á jarðhæð var, anddyri verður breytt í baðherbergi

Op á milli mhl. 01 og mhl. 02 verður lokað með vegg, þak stækkar.

Skipulagsnefnd felur sviðsstjóra að grenndarkynna umsóknina fyrir lóðarhöfum við Víkurbraut 30 og Túngötu 3..

Guðlaugsson ehf. sækir um byggingarleyfi á lóðinni Ufsasund 16 skv. meðfylgjandi aðaluppdráttum frá Faglausnum dagsett 22.07.2023.

Umsóknin er í samræmi við gildandi deiliskipulag fyrir lóðina. Skipulagsnefnd leggur til við bæjarstjórn að byggingarleyfisumsóknin verði samþykkt.

Bókun skipulagsnefndar er vísað til bæjarstjórnar.

Lögð er fram grænbók um skipulagsmál ásamt drögum að greinargerð um stöðu skipulagsmála sem innviðaráðuneytið hefur lagt fram í samráðsgátt til kynningar og umsagnar.

Sveitarfélagið Vogar auglýsir kynningu á tillögu að deiliskipulagi vegna fyrirhugaðrar íbúabyggðar í Grænubyggð, nánar tiltekið norðursvæði í gildandi aðalskipulagi.

Svæðið er skilgreint sem íbúabyggð í gildandi aðalskipulagi en ekki er í gildi deiliskipulag fyrir svæðið. Viðfangsefni deiliskipulagsins er m.a. að skipuleggja íbúðarbyggð með 334 íbúðum í sérbýlishúsum og fjölbýlishúsum. Gert er ráð fyrir að einbýlishús og parhús á einni hæð verði vestast á svæðinu nær ströndinni en þar fyrir ofan komi lítil fjölbýlishús eða raðhús á tveimur hæðum. Fölbýlishús, allt að 4 hæðir, verða við norðurjaðar svæðisins næst Vatnsleysustrandarvegi.

Skipulagsnefnd gerir ekki athugasemd við skipulagstillöguna.