Skipulagsnefnd - 127. fundur

Skipulagsstofnun hefur óskað eftir umsögn Grindavíkurbæjar við eftirfarandi mál í skipulagsgáttinni:

Metan- og vetnisframleiðsla á Reykjanesi, nr. 0679/2023: Kynning á umhverfismatsskýrslu.

Kynningartími er til 17.11.2023.

Gögnin vegna málsins eru lögð fram til upplýsinga og kynningar fyrir nefndina. Umsögn nefndarinnar verður afgreidd á fundi í nóvember.

HS orka óska eftir heimild til að gera breytingar á deiliskipulagi í Svartsengi.

Skipulagsfulltrúi Grindavíkurbæjar hefur unnið að verkefninu með HS orku í samræmi við bókunum skipulagsnefndar á fundum nefndarinnar nr. 82 og 119 undir máli nr. 2304089.

Skipulagslýsing vegna verkefnisins lögð fram.

Skipulagsnefnd heimilar HS orku að vinna breytingu á deiliskipulagi Svartsengis.

Skipulagsnefnd samþykkir skipulagslýsinguna og að um hana verði leitað umsagna hjá umsagnaraðilum og kynnt almenningi.

Verkís, fyrir hönd SGGI og Norður PTX Reykjanes ehf., eftir að gerðar verði breytingar á aðalskipulagi Grindavíkur í samræmi við áform um uppbyggingu gasverksmiðju á Reykjanesi. Þá er jafnfram óskað eftir heimild til að hefja vinnu við breytingar á deiliskipulagi Svartsengis, deiliskipulagi svæðis fyrir tilraunaboranir við Eldvörp og deiliskipulagi orkuvinnslu og iðnaðar á Reykjanes.

Skipulagsnefnd heimilar umsækjanda að vinna að breytingum á framangreindum deiliskipulagssvæðum og að fyrir nefndina verði lögð lýsing á skipulagsverkefninu. Nefndind leggur áherslu á að skipulagsbreytingar verði ekki samþykktar fyrr en umhverfismat liggur fyrir.

Grindavíkurbær og Reykjanes Unesco Geopark sækja um framkvæmdaleyfi vegna framkvæmda við Þorbjörn. Skiplagsnefnd samþykkir veitingu framkvæmdarleyfisins með fyrirvara um jákvæða umsögn Umhverfisstofnunar og felur skipulagsfulltrúa að gefa út framkvæmdaleyfið þegar umsögnin liggur fyrir.

Framkvæmdirnar eru í samræmi við gildandi deiliskipulag á svæðinu.

Í samræmi við viðauka 1.1 við bæjarmálasamþykkt Grindavíkurbæjar er um fullnaðar

afgreiðslu að ræða.

Grenndarkynningartíma vegna umsóknar um byggingarleyfi fyrir Borgarhraun 1 er lokið. Athugasemdir bárust á kynningartímanum. Í athugasemdum er meðal annars bent á að verið sé að breyta einbýlishúsi í fjölbýli.

Í 31. tl. 1.2.1. gr. byggingarreglugerðar nr. 112/2012 er skilgreining á því hvað sé fjölbýlishús þ.e. hvert það hús sem í eru tvær eða fleiri íbúðir sem hafa sameiginleg rými. Ljóst er af þeim teikningum sem fylgja umsókninni að óskað er eftir því að skipta mannvirkinu upp í að minnsta kosti 2 íbúðir. Í gildandi aðalskipulagi er tiltekið hvaða hverfi séu fullbyggð í sveitarfélaginu og aðeins tiltekin nokkur svæði þar sem heimilt er að þétta byggð. Borgarhraun 1 er staðsett innan ÍB3. Það hverfi er fullbyggt hverfi samkvæmt aðalskipulagi og ekki er því heimilt að þétta byggð innan Borgarhrauns.

Einnig eru gerðar athugasemdir við bílastæðin á lóðinni og þann fjölda bíla og aukinnar umferðar sem fylgir fjölgun íbúða á lóðinni. Skipulagsnefnd tekur undir þær athugasemdir sem bárust.

Með vísan til þessa hafnar skipulagsnefnd umsókninni.

Hafnarfjarðarkaupstaður hefur óskað eftir umsögn Grindavíkurbæjar á lýsingu fyrir breytingu á Aðalskipulagi Hafnarfjarðar 2013 ? 2025 vegna Iðnaðarsvæðisins I4, nr. 0593/2023.

Skipulagsnefnd gerir ekki athugasemd við lýsinguna.