Skipulagsnefnd - 86. fundur

Skipulagslýsing á tillögu að breytingu á aðalskipulagi Grindavíkurbæjar lögð fram, sbr. 1.mgr. 36.gr. skipulagslaga nr. 123/2010.

Helstu breytingarnar eru:

- Skipulagsbreytingar vegna uppbyggingar á innviðum og þjónustu við gosstöðvar bæði í landi Hrauns og Ísólfsskála.

- Landtaka ljósleiðara/sæstrengs í Hraunsvík í landi Hrauns og uppbygging á mannvirkjum því tengdu.

- Hreinssstöð fráveitu færð frá iðnaðarsvæði á hafnarsvæði við Eyjabakka.

Skipulagsnefnd samþykkir skipulagslýsinguna og vísar henni til afgreiðslu bæjarstjórnar.

Orkustofnun óskar eftir umsögn Grindavíkurbæjar um umsókn HS orku um nýtingarleyfi á jarðhita í Svartsengi.

Umsóknin, eins og henni er lýst af HS orku, er í samræmi við aðalskipulag Grindavíkurbæjar 2018-2032 og deiliskipulag fyrir Svartsengi. Jafnframt liggur fyrir ákvörðun um matskyldu vegna þessarar framkvæmdar.

Grindavíkurbær gerir ekki athugasemd við umsóknina hvað varðar verksvið sveitarfélagsins.

Afgreiðslu skipulagsnefndar vísað til bæjarstjórnar til afgreiðslu.

Orkustofnun óskar eftir umsögn Grindavíkurbæjar um umsókn HS orku um rannsóknarleyfi á jarðhita í Stóru-Sandvík.

Skipulagsnefnd gerir ekki athugasemd við umsókn HS orku um rannsóknarleyfi á jarðhita í Stóru-Sandvík og vísar afgreiðslunni til bæjarstjórnar.

Skipulagsstofnun óskar eftir umsögn við matskyldufyrirspurn vegna Rannsóknarholu HAL 3 við Reykjanesvirkjun.

Skipulagsnefnd telur að vel sé gert grein fyrir framkvæmdinni og líklegum umhverfisáhrifum vegna hennar. Skoðaðir voru þrír valkostir og HAL 3 talinn henta best af þeim þremur sem skoðaðir voru. Fyrirhuguð framkvæmd er á skilgreindu iðnaðarsvæði, i9, á aðalskipulagi Grindavíkur 2018-2032 þar sem gert er ráð fyrir iðnaði í beinum tengslum við orkuvinnslu á svæðinu þar sem unnt er að nýta heitt jarðvatn og gufu auk raforku. Staðsetning borplans er utan deiliskipulags á svæðinu en unnið er að breytingu á því deiliskipulagi samhliða fyrirspurn um matskyldu.

Skipulagsnefnd bendir á að fyrirhuguð framkvæmd er háð framkvæmdaleyfi Grindavíkurbæjar sbr. 13.gr. skipulagslaga nr. 123/2010.

Afgreiðslu skipulagsnefndar er vísað til bæjarstjórnar til samþykktar.

Samgöngustofa óskar eftir umsögn um staðsetningu ökutækjaleigu fyrir Matthías Jónsson og syni ehf.

Skipulagsnefnd samþykkir að skrifstofa ökutækjaleigunar verði að Hólavöllum 2. Móttaka, skil og geymsla ökustækjanna skal vera utan íbúabyggðar.

Grenndarkynning á deiliskipulagsbreytingu við Efrahóp 4 er lokið án athugasemda. Grenndarkynning fór fram í samræmi við 2.mgr. 43.gr skipulagslaga nr. 123/2020.



Skipulagsnefnd samþykkir deiliskipulagsbreytinguna. Í samræmi við 6 gr. samþykktar um skipulagsnefnd í Grindavík þá er um fullnaðarafgreiðslu að ræða.



Skipulagsnefnd vekur athygli lóðarhafa/umsækjanda á eftirfarandi:

Lóðarhafi ber að greiða allan þann kostnað sem af breytingunni hlýst. Auk hinnar eiginlegu skipulagsvinnu þá má t.d. nefna kostnað sem verður til við breytingu á innviðum (t.d. rafmagn, vatnslagnir og fráveita) á skipulagssvæðinu vegna breytingarinnar.

Grenndarkynning byggingarleyfisumsóknar við Höskuldarvelli 1, þar sem sótt erum stækkun á bílageymslu, er lokið án athugasemda.

Skipulagsnefnd samþykkir byggingaráformin. Í samræmi við 6 gr. samþykktar um skipulagsnefnd í Grindavík þá er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Grenndarkynning byggingarleyfisumsóknar við Víkurbraut 22, þar sem sótt er um breytingar á innra skipulag, útliti og breyttri notkun á bílageymslu, er lokið án athugasemda.

Skipulagsnefnd samþykkir byggingaráformin. Í samræmi við 6 gr. samþykktar um skipulagsnefnd í Grindavík þá er um fullnaðarafgreiðslu að ræða. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Sótt er um leyfi til að hafa gistingu í flokki II, tegund C við Austurveg 49.

Í greinagerð aðalskipulags Grindavíkur segir m.a í kafla 2.1.1:

„...Umsóknir um nýja gististaði í flokki II, tegund c innan íbúðarbyggðar skal skipulagsnefnd sérstaklega fjalla um og skal leyfi til reksturs vera háð ákvörðun nefndarinnar. Við mat á umsókn skal skipulagsnefnd líta til þess að kröfur um bílastæði séu uppfylltar, horfa skal til staðsetningar innan íbúðarbyggðar og aðkomu. Umsóknir sem þessar skulu ávallt grenndarkynntar fyrir nágrönnum....“.

Sviðsstjóra falið að grennarkynnina áformin fyrir lóðarhöfum við Austurveg 45, 47 og 48.

Sóst er eftir breytingu á notkun á húsnæðinu Brautarholti, úr skrifstofubyggingu í íbúðarhúsnæði.

Umræddd lóð er í óskiptu landi Þórkötlustaða. Sviðsstjóra er falið að grenndarkynna áformin í samræmi við verndaráætlun Þótkötlustaðahverfis. Þá þarf að fá samþykki landeiganda fyrir áformunum.

Anton Guðmundsson víkur af fundi við umræðu og afgreiðslu málsins.

Óskað er eftir byggingarleyfi vegna breytinga á Hafnargötu 4 og 6. Áformað er að sameina hluta af Hafnargötu 4 í Hafnargötu 6 og breyta Hafnargötu 4 í gistingu.

Sviðsstjóra er falið að grenndarkynna áformin fyrir þinglýstum eigendum við Hafnargötu 2,4 og 6.

Farið yfir þau leyfi sem sviðsstjóri hefur gefið vilyrði fyrir vegna eldsumbrota í Geldingadal.

Vatnaáætlun íslandi 2022 -2027 ásamt aðgerðaráætlun, vöktunaráætlun og umhverfisskýrslu vatnaáætlunar eru allar komnar í 6 mánaða opinbera kynningu.

Lagt fram.

Mál lagt fram til kynningar.