Innviðanefnd - 18. fundur

Kynning á stöðu málefna og verkefna undir starfssviði innviðanefndar lögð fram.

Fulltrúar Norðurdals ehf. mættu til fundarins undir dagskrárliðnum og kynntu hugmyndir um mögulega uppbyggingu áfangastaðar í Hópinu.

Innviðanefnd þakkar fyrir kynninguna og hvetur bæjarráð til að hraða ákvörðunartöku varðandi framtíð Hópsins.

Bæjarráð Grindavíkurbæjar hefur falið skipulagsfulltrúa og bæjarstjóra að hefja undirbúning á endurskoðun aðalskipulags Grindavíkurbæjar.

Málið lagt fram til kynningar.

Guðmundur Pálsson vék af fundi við umræður og afgreiðslu málsins.

Athugasemdafrestur við grenndarkynningu vegna breytingar á vegtengingu við Efrahóp og Arnarhlíð lýkur 30. júní. Tvær athugasemdir og ein fyrirspurn hafa þegar borist og eru lagðar fram til umfjöllunar í innviðanefnd.

Innviðanefnd tekur tilliti til þeirra athugasemda sem bárust og samþykkir að breyta fyrirhugaðri vegtengingu yfir í tillögu 2 þannig að farið verði um Álftahlíð og beint inn í efri botnlanga Efrahóps með fyrirvara um að ekki berist athugasemdir við grenndarkynningu á uppfærðri skipulagstillögu.

Erindinu er vísað til bæjarráðs til fullnaðarafgreiðslu að lokinni grenndarkynningu.

Breyting á lóðarskipulagi í Víkurhópi lögð fram í tengslum við niðurrif á Víkurhópi 20. Lóðin við Víkurhóp 20 fellur út og lóð Víkurhóps 18 stækkar til austurs um 3 metrar.

Innviðanefnd samþykkir breytinguna með fyrirvara um samþykki fasteignafélagsins Þórkötlu sem er þinglýstur eigandi umræddra fasteigna. Nefndin telur breytinguna óverulega í skilningi 2. mgr. 43. gr. skipulagslaga nr. 123/2010, breytingin hefur ekki áhrif á hagsmuni nágranna og er fallið frá grenndarkynningu.

Fyrirspurn frá Pálmari Guðmundssyni lögð fram vegna endurheimtar skóga í landi Grindavíkur.

Innviðanefnd vísar erindinu til vinnu við endurskoðunar aðalskipulags Grindavíkurbæjar og verður fulltrúa Skógræktarfélags Grindavíkur boðið á fund nefndarinnar í því sambandi.

Sigurður Kristmundsson, hafnarstjóri, fór yfir mögulega þátttöku hafnarinnar ásamt fyrirtækjum í Grindavík á Icefish september 2026.

Hafnarstjóra falið að vinna málið áfram og leggja fyrir bæjarráð þegar frekari upplýsingar liggja fyrir.

Fundargerð fundar afgreiðslunefndar byggingar- og skipulagsmála nr. 96 lögð fram.