Innviðanefnd - 20. fundur

Davíð Ingi Bustion situr fundinn undir dagskrárliðnumn og kynnir stöðu verkefnisins.

Á fundi innviðanefndar þann 20. júlí 2026 var fjallað um fyrirhugaða uppbyggingu við Efrahóp. Nefndin óskaði eftir endurskoðaðri tillögu og heimilaði jafnframt þjónustumiðstöð Grindavíkurbæjar að setja lágreista girðingu í stað öryggisgirðinga á svæðinu.

Nú voru lögð fram uppfærð hönnunargögn vegna verkefnisins Seigla-Efrahóp, dags. 12. október 2026, þar sem meðal annars voru kynntar þrjár mögulegar staðsetningar fyrir bílastæði. Óskað var eftir afstöðu nefndarinnar til fyrirhugaðrar staðsetningar bílastæða.

Innviðanefnd samþykkir fyrirhugaða legu á göngustígum meðfram nýja hrauninu milli Efrahóps og Norðurhóps þ.e. áfangi I og að göngustígur í áfanga II endi við brúna. Þá samþykkir innviðanefnd að áframhaldandi hönnun bílastæða við Efrahóp miðist við staðsetningu fyrir ofan Norðurhóp. Nefndin felur skipulags- og umhverfissviði að vinna áfram að útfærslu tillögunnar.

Innviðanefnd þakkar fyrir kynninguna.

Davíð Ingi Bustion situr fundinn undir dagskrárliðnumn.

Lögð var fram beiðni um heimild til að hefja vinnu við breytingu á Aðalskipulagi Grindavíkur 2018-2032 og gildandi deiliskipulagi vegna fyrirhugaðrar uppbyggingar afþreyingar- og ferðamannasvæðis norðan þéttbýlisins, við Efrahóp.

Áformin fela meðal annars í sér gerð göngustíga, brúar og bílastæða, ásamt aðstöðu til útivistar og fræðslu. Fyrirhugaðar breytingar ná til hluta íbúðarsvæðanna ÍB8 og ÍB11, þar sem til stendur að breyta landnotkun í afþreyingar- og ferðamannasvæði (AF). Fram kom að nánari afmörkun svæðisins, landnotkun og útfærsla verði ákveðin við skipulagsvinnuna. Í samræmi við aðalskipulagsbreytinguna verði "deiliskipulagi ofan Hópsbrautar" breytt í framhaldi.

Innviðanefnd samþykkir að hefja vinnu við breytingu á gildandi deiliskipulagi vegna fyrirhugaðrar uppbyggingar afþreyingar- og ferðamannasvæðis við Efrahóp.

Jafnframt leggur nefndin til við bæjarstjórn að samþykkt verði að hefja vinnu við breytingu á Aðalskipulagi Grindavíkur 2018-2032 vegna sömu áforma.

Nefndin felur skipulags- og umhverfissviði að hefja gerð skipulagsbreytinganna.

Davíð Ingi Bustion situr fundinn undir dagskrárliðnumn og kynnir stöðu verkefnisins.

Lögð var fram tillaga að hönnun að afþreyingar- og ferðamannasvæðinu Végarði við Austurveg dags. 25. ágúst 2026. Tillagan sem áður hefur verið kynnt fól meðal annars í sér uppbyggingu sýningar- og fræðslusvæðis, göngu- og dvalarsvæða og aðstöðu fyrir gesti, með áherslu á sögu Grindavíkur og náttúruhamfarir.

Innviðanefnd líst vel á að sýna hluta af Stamphólsgjánni en mælir með lágstemmdari heildarumgjörð svæðisins.

Lögð er fram tillaga að óverulegri breytingu á Aðalskipulagi Grindavíkur 2018-2032 vegna fyrirhugaðrar uppbyggingar Végarðs við Stamphólsveg.

Bæjarstjórn heimilaði þann 29. september 2026 að hafin yrði vinna við breytingu á aðalskipulagi vegna verkefnisins.

Breytingin felur í sér að um 1,1 ha svæði, sem nú er skilgreint sem íþróttasvæði (ÍÞ1) og miðsvæði (M1), verði skilgreint sem nýtt afþreyingar- og ferðamannasvæði (AF5). Markmið breytingarinnar er að skapa skipulagslegar forsendur fyrir uppbyggingu Végarðs sem sýningar-, fræðslu- og útivistarsvæðis.

Innviðanefnd telur breytinguna óverulega í skilningi 2. mgr. 36. gr. skipulagslaga nr. 123/2010. Innviðanefnd mælir með samþykkt tillögunar og vísar tillögunni til bæjarstjórnar.

Lagt var fram minnisblað dags. 15.10.2026 um veitingu byggingarleyfa vegna viðgerða og endurbyggingar í Grindavíkurbæ, þar sem reifaðar eru tillögur um samræmt verklag við afgreiðslu umsókna um byggingarleyfi. afnhliða falli úr gildi bókun bæjarstjórnar frá 24. apríl 2024 um takmörkun á veitingu byggingarleyfa til viðgerða og endurbyggingar.

Innviðanefnd leggur til að bókun bæjarstjórnar frá 24. apríl 2024 um takmörkun við veitingu byggingarleyfa vegna viðgerða á mannvirkjum verði felld úr gildi. Innviðanefnd leggur jafnframt til að byggingareftirlit og veiting byggingarleyfa til viðgerða á mannvirkjum sem orðið hafa fyrir tjóni vegna náttúruhamfara taki mið af verklagi sem lagt er til í minnisblaði dags. 15. október 2026. Innviðanefnd leggur áherslu á að samstarf við HMS og NTÍ hefjist sem fyrst. Nefndin verði upplýst reglulega um framvindu málsins.

Framundan er örútboð vegna niðurrifs altjónshúsa í Vesturhópi. Óskað var eftir afstöðu innviðanefndar um hvort verndargildi Vesturhóps 9, 10, 29 og 30 standi í vegi fyrir niðurrifi.

Innviðanefnd gerir ekki athugasemdir við áform um niðurrif mannvirkja í Vesturhópi 9, 10, 29 og 30.

Eigna- og veitustjóri fór yfir stöðuna á innviðum í jörðu í sveitarfélaginu.

Innviðanefnd lýsir áhyggjum varðandi afhendingaröryggi raforku, hitaveitu og vatnsveitu við Grindavík. Sérstaklega bendir nefndin á að megin flutningsleið raforku milli Svartsengis og Grindavíkur er í gegnum háspennustreng sem liggur óvarinn ofan á hrauni. Grjóthrun eða hraunrennsli gætu valdið alvarlegri truflun fyrir heimili og atvinnustarfsemi í Grindavík og er ekki hægt að una við óbreytt ástand jafnvel svo árum skipti.

Núverandi fyrirkomulag uppfyllir ekki þau viðmið um afhendingaröryggi sem almennt gilda á landinu. Nauðsynlegt er að styrkja stofnkerfi raforkuflutninga með uppbyggingu nýrrar flutningsleiðar frá Svartsengi til þéttbýlis Grindavíkur, austan við Þorbjörn. Fyrir liggur í skipulagi tillaga að lagnaleið milli Grindavíkur og Svartsengis. Slík uppbygging myndi auka verulega rekstraröryggi og draga úr viðkvæmni grunninnviða.

Jafnframt telur innviðanefnd mikilvægt að koma á hringtengingu raforkuflutninga á Reykjanesi, með tengipunkti við Grindavík, þannig að fleiri en ein flutningsleið tryggi afhendingu rafmagns til bæjarins. Með því er dregið úr líkum á rofi og aukinn viðnámsþróttur samfélagsins gagnvart áföllum tryggður.

Nefndin leggur áherslu á að unnið verði hratt og markvisst að nauðsynlegum úrbótum, í samræmi við áhættumat fyrir Grindavík.

Veitustjóri fór yfir stöðu framkvæmdar við varavatnsból á Vatnsheiði.

Lagt fram til kynningar.

Lagt var fram til kynningar minnisblað jarðkönnunarteymis dags. 30.06.26 um sprunguskoðun á Þorbjarnarfelli.

Innviðanefnd leggur til að skipulags- og umhverfissvið vinni úr niðurstöðum minnisblaðsins.

Lagt var fram minnisblað jarðkönnunarteymis dags. 06.10.2025 og skýrsla sprunguvöktunar sprungubelta dags. 15.10.2026, ásamt niðurstöðum í hæðarmælingum á þéttbýli Grindavíkur á tímabilinu 27.07.2025-06.10.2026.

Innviðanefnd lýsir ánægju með það skýra og góða verklag á vöktun sprungubelta og sprunguhreyfinga innan þéttbýlis sem lýst er í minnisblaði. Niðurstaðan leiðir í ljós litlar sem engar breytingar á tímabilinu.

Þorleifur Ólafsson víkur af fundi við umræðu og afgreiðslu málsins.

Lögð var fram umsókn Valgerðar Ágústsdóttur og Þórkötlu Sifjar Albertsdóttur um stöðuleyfi fyrir færanlegu gufubaði í Bótinni í Grindavík, á óskiptu landi Járngerðastaða og Hópstorfu.

Um er að ræða um 25 m² gufubað sem fyrirhugað er að flytja á staðinn og koma fyrir á undirstöðum. Tilgangurinn er að bjóða upp á gjaldskylda gufubaðsviðburði, svokallaðar gusur, með allt að 15 þátttakendum í senn. Stefnt er að 4-7 viðburðum á viku, eftir eftirspurn. Gufubaðið verður kynt með viði og ekki er gert ráð fyrir tengingu við vatns- eða rafveitu. Óskað er eftir stöðuleyfi til óákveðins tíma. Nákvæm gerð gufubaðsins liggur ekki fyrir þar sem umsækjendur hafa ekki fest kaup á því. Fyrirhuguð staðsetning var í fylgiskjali.

Nefndin samþykkir erindið fyrir sitt leyti með fyrirvara um skriflegt leyfi landeigenda og vísar stöðuleyfisumsókn til byggingarfulltrúa.