Innviðanefnd - 15. fundur

Svæðisskipulagsnefnd Suðurnesja hefur sent sveitarfélaginu tillögu að endurskoðuðu svæðisskipulagi Suðurnesja 2024-2040 til samþykktar í bæjarstjórn. Er þetta í samræmi við bókun nefndarinnar á fundi nr. 57 þann 12. mars sl. Fundargerð fundar svæðisskipulagsnefndar nr. 57 jafnframt lögð fram til kynningar.

Á 57. fundi svæðisskipulagsnefndar Suðurnesja var svæðisskipulag Suðurnesja 2024-2040, sem samanstendur af skipulagsgreinargerð, umhverfismatsskýrslu og vatnsverndaruppdrætti, samþykkt í samræmi við 1. mgr. 25. gr. skipulagslaga nr. 123/2010. Fyrir liggur samantekt umsagna/athugasemda og viðbrögð við þeim.

Er skipulagstillagan lögð fram til samþykktar af hálfu Grindavíkurbæjar í samræmi við 2. mgr. 25. gr. skipulagslaga nr. 123/2010.

Innviðanefnd samþykkir skipulagstillöguna og vísar henni til staðfestingar bæjarstjórnar.

Fundargerð fundar svæðisskipulagsnefndar nr. 57 jafnframt lögð fram til kynningar.

Breytingaruppdráttur vegna óverulegrar deiliskipulagsbreytingar í Hlíðarhverfi vegna nýrra aðkomuleiða að Efrahópi í kjölfar náttúruhamfara í Grindavík lagður fram. Óskað er eftir samþykki áður en tillagan verður grenndarkynnt.

Breytingaruppdráttur vegna óverulegrar deiliskipulagsbreytingar í Hlíðarhverfi vegna nýrra aðkomuleiða að Efrahópi í kjölfar náttúruhamfara í Grindavík lagður fram.

Innviðanefnd samþykkir að grenndarkynna framlagða óverulega deiliskipulagsbreytingu fyrir öllum lóðarhöfum og forkaupsréttarhöfum við Efrahóp og Arnarhlíð. Jafnframt verður skipulagsbreytingin auglýst á heimasíðu sveitarfélagsins.

Fram undan eru örútboð vegna niðurrifs altjónshúsa. Lagður er fram listi um hús sem verða í næstu örútboðum. Þau eru:

Víkurhóp 2-4, Víkurhóp 6-8.

Í tengslum við þennan lið verður farið yfir stöðu niðurrifsverkefna og sprunguviðgerðaverkefna sem eru hafin eða í þann veg að hefjast og hvaða breytinga má vænta á ásýnd bæjarins að þeim loknum.

Sigurður Karlsosn sat fundinn undir dagskrárliðnum.

Framundan eru örútboð vegna niðurrifs altjónshúsa. Lagður er fram listi um hús sem verða í næstu örútboðum. Þau eru við Víkurhóp 2-4 og Víkurhóp 6-8.

Innviðanefnd gerir ekki athugasemdir við áform um niðurrif mannvirkja í Víkurhópi 2-4 og Víkurhópi 6-8.

Þá fór Sigurður Karlsson yfir stöðu niðurrifsverkefna og sprunguviðgerða sem eru hafin eða í þann veg að hefjist. Rætt um hvaða breytinummá vænta á ásýnd bæjarins og framkvæmdum loknum.

Tillaga að viðgerðum á gönguleið við Landsbankann og yfir að íþróttahúsi lögð fram ásamt staðsetningu umferðaljósa og gangbrauta.

Sigurður Karlsson sat fundinn undir dagskrárliðnum.

Tillaga að viðgerðum á gönguleið við Landsbankann og yfir að íþróttahúsi lögð fram ásamt staðsetningu umferðaljósa og gangbrauta.

Innviðanefnd samþykkir tillögurnar.

Fyrirspurn frá Golfklúbb Grindavíkur um uppbyggingu á vélargeymslu og starfsmannaaðstöðu lögð fram.

Fyrirspurn frá Golfklúbb Grindavíkur um uppbyggingu á vélargeymslu og starfsmannaaðstöðu lögð fram. Fyrirhuguð staðsetning er á eldra æfingasvæði golfklúbbsins meðfram Nesvegi.

Innviðanefnd fagnar því að golfklúbbur Grindavíkur sé að huga að frekari uppbyggingu. Innviðanefnd bendir á að ekki sé í gildi deiliskipulag fyrir svæðið en í 1. mgr. 44. gr. skipulagslaga nr. 123/2010 er veitt heimild til að leyfa án deiliskipulagsgerðar byggingar- eða framkvæmdaleyfi ef áformin eru i samræmi við landnotkun, byggðarmynstur og þéttleik byggðar. Skal þá láta fara fram grenndarkynningu.

Innviðanefnd bendir því golfklúbb Grindavíkur á að sækja um byggingarleyfi fyrir framkvæmdinni með fullnægjandi gögnum sem hægt væri að grenndarkynna samkvæmt gildandi skipulagslögum.

Innviðanefnd felur skipulagsfulltrúa að vinna málið áfram með golfklúbbnum.

Rætt um stöðu mála vegna almyrkva á sólu 2026 og beiðnir sem komið hafa í tengslum við hann. Fundargerð stýrihóps um almyrkva á Reykjanesi lögð fram.

Arnar Steinn Elísson verkefnastjóri almennavarna hjá lögreglunni á Suðurnesjum sat fundinn undir dagskrárliðnum.

Rætt um stöðu mála vegna almyrkva á sólu 2026 og beiðnir sem komið hafa í tengslum við hann. Fundargerð stýrihóps um almyrkva á Reykjanesi lögð fram.

Innviðanefnd þakkar Arnari Steini fyrir góða upplýsingagjöf varðandi almyrkvann.

Innviðaráðuneytið óskar eftir ábendingum og úrbótatillögum um verkefni og regluverk sveitarfélaga. Greina á hvort og þá hvar lagðar eru óþarfar eða íþyngjandi kvaðir á sveitarfélög og/eða einstaklinga, fyrirtæki eða félagasamtök sem leita þurfa til sveitarfélaga í störfum sínum eða einkalífi. Ekki er spurt um reglur sem sveitarfélögin setja sér sjálf um framkvæmd verkefnanna.

Mikilvægt er að fá tillögur að úrbótum til að skilja hvernig megi bæta stöðuna. Þó er rétt að hafa það í huga að einföldun regluverks er alltaf með þeim fyrirvara að ekki verði gengið á rétt íbúa til þjónustu. Markmiðið er því öðru fremur að sveitarfélög fái aukinn sveigjanleika til að sinna betur þeim lögbundnu verkefnum og þjónustu sem þeim ber að veita. Afraksturinn verði einfaldari stjórnsýsla, betri þjónusta og ánægðari íbúar.

Innviðaráðuneytið óskar eftir ábendingum og úrbótatillögum um verkefni og regluverk sveitarfélaga. Greina á hvort og þá hvar lagðar eru óþarfar eða íþyngjandi kvaðir á sveitarfélög og/eða einstaklinga, fyrirtæki eða félagasamtök sem leita þurfa til sveitarfélaga í störfum sínum eða einkalífi. Ekki er spurt um reglur sem sveitarfélögin setja sér sjálf um framkvæmd verkefnanna.

Drög að umsögn Grindavíkurbæjar voru lögð fram til umræðu og tekur innviðanefnd undir áherslur í umsögninni. Samþykkt var svohljóðandi bókun.

Á undanförnum árum hafa orðið miklar breytingar á yfirborði lands innan Grindavíkurbæjar, vegna jarðhræringa, eldgosa og hraunrennslis. Hraun hafa runnið yfir landsvæði og eyðilagt innviði eða gert þá óaðgengilega. Skemmdir hafa orðið á flutningskerfi rafmagns, þjónustuvegum veitna og lögnum fyrir neysluvatn og hitaveitu. Það þarf að vera hafið yfir allan vafa að rekstraraðilar innviða hafi rétt til þess að komast að þessum innviðum og sinna viðgerðum og endurbótum og skiptir öllu máli að hægt sé að hefja viðgerðir tafarlaust. Hafa þarf í huga að lagnabelti og veitumannvirki hafa farið í gegnum skipulagsferli og liggja fyrir öll tilskilin leyfi fyrir byggingu þeirra. Taka þarf af tvímæli um það með lagabreytingu að 61. gr. náttúruverndarlaga eigi ekki við þegar hraun fer yfir lykil innviði eins og veitumannvirki eða vegi.

Áformað er að breyta raforkulögum á þann veg að heimildir sérleyfisfyrirtækja (Landsnets og dreifiveitna) verði samræmdar heimildum fjarskiptafyrirtækja samkvæmt lögum um fjarskipti, sem kveður á um að landeiganda sé skylt að þola lagningu flutningsvirkja og mannvirkja ef nauðsyn krefur, gegn fullum bótum fyrir sannanlegt tjón.

Helstu fyrirhuguðu breytingar á gildandi lögum og reglum eru að bann við því að hefja framkvæmdir áður en samkomulag hefur náðst eða eignarnám farið fram verður afnumið úr 21. gr. raforkulaga. Þá verður lögfest ákvæði sem mælir fyrir um þolskyldu landeiganda vegna lagningar raforkumannvirkja, með vísan til sambærilegra reglna í fjarskiptalögum.

Áformað er að breyta raforkulögum á þann veg að heimildir sérleyfisfyrirtækja (Landsnets og dreifiveitna) verði samræmdar heimildum fjarskiptafyrirtækja samkvæmt lögum um fjarskipti, sem kveður á um að landeiganda sé skylt að þola lagningu flutningsvirkja og mannvirkja ef nauðsyn krefur, gegn fullum bótum fyrir sannanlegt tjón.

Innviðanefnd vísar til bókunar við 7. lið undir máli nr. 2603054.

Umsögn HES lögð fram ásamt upplýsingum frá Brimfaxa vegna málsins.

Umsögn frá Heilbrigðiseftirliti Suðurnesja um dreifingu búfjáráburðar til uppgræðslu milli varnargarða liggur fyrir.

Innviðanefnd hefur farið yfir þær upplýsingar sem komu frá Hestamannafélaginu Brimfaxa og umsögn HES og gerir nefndin ekki athugasemdir við það að heimila umsækjanda að dreifa búfjáráburði til uppgræðslu á svæði milli varnargarða. Innviðanefnd leggur til að fyrirkomulagið verði endurskoðað á ári hverju.

Skipulagsfulltrúa falið að senda umsögn HES á Brimfaxa enda eru þar fyrirmæli og viðmið sem þeim ber að fara eftir við uppgræðslu.

Innviðanefnd vísar erindinu til fullnaðarafgreiðslu bæjarstjórn.

Lagt fram til kynningar álit Húsnæðis- og mannvirkjastofnunar um matsáætlun vegna áforma um orkuvinnslu í Eldvörpum.

Lagt fram til kynningar álit Húsnæðis- og mannvirkjastofnunar um matsáætlun vegna áforma um orkuvinnslu í Eldvörpum.

Fundargerð 56. fundar Svæðisskipulagsnefndar Suðurnesja sem fram fór þann 26.02.2026 lögð fram til kynningar.

Fundargerð 56. fundar Svæðisskipulagsnefndar Suðurnesja sem fram fór þann 26.02.2026 lögð fram til kynningar.