Innviðanefnd - 19. fundur

Til skoðunar er að útbúa áfangastað vestan við Íþróttahús Grindavíkurbæjar sem kallast Végarður og einnig í Hópinu við Austurveg 3c. Báðir staðir eru innan íþróttasvæðis ÍÞ1 samkvæmt aðalskipulagi. Ráðgert er þó að áfangastaðurinn Végarður nái einnig inn á miðsvæði M1, sem nær yfir lóðina að Stamphólsvegi 2. Óskað er heimildar til að breyta aðalskipulagi og deiliskipulagi svæðisins þannig að áformin samræmist skipulagi.

Fyrirhuguð uppbygging kallar því á breytingu á Aðalskipulagi Grindavíkur auk breytingar á gildandi deiliskipulagi svæðisins.

Innviðanefnd heimilar innviðasviði að hefja vinnu við að breyta skipulagi svæðisins þannig að áformin samræmist skipulagi.

Lögð eru fram áform starfshóps um uppbyggingu Végarðs um breytingu á anddyri gamla íþróttahússins. Áformin snúa að því að koma fyrir stórum LED-skjá. Á skjánum er fyrirhugað að sýna heimildarmynd um Grindavík fyrir ferðamenn og aðra gesti. Útfærslan er hugsuð þannig að skjárinn verði skýr og sýnilegur frá aðkomusvæðinu, þar sem áætlað er að fólk standi almennt í um 4-5 m fjarlægð eða lengra. Gert er ráð fyrir hátalarakerfi undir þakskyggninu til að miðla hljóði frá sýningarefninu á aðkomusvæðinu. Samhliða þessu er gert ráð fyrir að glugga sunnan við innganginn verði breytt í hurð.

Innviðanefnd gerir ekki athugasemd við áformin en óskar eftir formlegri byggingarleyfisumsókn, huga þarf sérstaklega að flóttaleiðum.

Innviðanefnd vísar erindinu jafnframt til bæjarráðs til umræðu í tengslum við fjármögnun verkefnis.

Auglýsingartíma vinnslutillögu vegna skipulagsbreytinga í Eldvörpum er lokið. Uppfærð gögn lögð fram ásamt viðbrögðum við umsögnum um vinnslutillögurnar.

Lögð er fram tillaga að breytingu á Aðalskipulagi Grindavíkur 2018-2032 um jarðhitanýtingu í Eldvörpum, sem samanstendur af greinargerð, skipulagsuppdrætti og umhverfismatsskýrslu aðalskipulagsbreytingarinnar dags. í ágúst 2026. Samhliða er lögð fram tillaga að nýju deiliskipulagi jarðhitanýtingar í Eldvörpum, sem samanstendur af greinargerð, skipulagsuppdrætti og umhverfismatsskýrslu dags. í september 2026.

Jafnframt er lögð fram samantekt á því hvernig brugðist hefur verið við umsögnum og athugasemdum sem hafa borist við kynningu á vinnslutillögu skipulagsins. Tillögurnar hafa tekið breytingum í kjölfar samráðs á vinnslustigi aðalskipulagsins og deiliskipulagsins. Breytingar snúa m.a. að umfjöllun um verndarsvæði, valkosti, frekari upplýsingum um stærðir borteiga, gönguleiðir, náttúruvá og skilmálum um verklag við framkvæmdir. Jafnframt er skýrari skipulagsskilmálar fyrir framkvæmdum á borteigum.

Innviðanefnd hefur farið yfir framlagðar tillögur og telur að þær séu fullnægjandi til auglýsingar. Nefndin telur að við gerð tillögunnar hafi verið unnið í samræmi við ákvæði skipulagslaga nr. 123/2010, skipulagsreglugerðar nr. 90/2013, náttúruverndarlaga nr. 60/2013 og laga um umhverfismat framkvæmda og áætlana nr. 111/2021.

Innviðanefnd leggur til að ofangreind skipulagsgögn verði kynnt á sama tíma og umhverfismatsskýrsla framkvæmdanna til þess að íbúar og hagaðilar fái heildstæða kynningu á fyrirhugaðri jarðhitanýtingu, framkvæmdum og umhverfisáhrifum.

Innviðanefnd leggur það til við bæjarstjórn að samþykkt verði að auglýsa tillögu að breytingu á Aðalskipulagi Grindavíkur skv. 3. mgr. 30. gr. skipulagslaga nr. 123/2010 og tillögu að nýju deiliskipulagi skv. 3. mgr. 40. gr. sömu laga. Skipulagsfulltrúa er falið að senda aðalskipulagsgögn til athugunar HMS í samræmi við skipulagslög.

Lagðir eru fram til kynningar uppfærðir aðaluppdrættir af fjárhúsi/vélageymslu, með breytingum sem gerðar hafa verið í samræmi við álit Minjastofnunar Íslands.

Innviðanefnd tekur jákvætt í framlagða uppfærða aðaluppdrætti af fyrirhuguðu fjárhúsi/vélageymslu að Einlandi. Nefndin telur að með breyttri útfærslu hafi verið komið til móts við athugasemdir Minjastofnunar Íslands varðandi stærð, útlit og aðlögun byggingarinnar að byggðamynstri Þórkötlustaðahverfis.

Um er að ræða fullnaðarafgreiðslu innviðanefndar með vísan til 42. gr. sveitarstjórnarlaga nr. 138/2011 og viðauka 1.1 við samþykkt um stjórn og fundarsköp Grindavíkurbæjar nr. 530/2022.

Byggingarfulltrúi tekur við málinu til áframhaldandi afgreiðslu.

Benedikt víkur af fundi undir umræðum og afgreiðslu þessa máls.

Fyrirspurn vegna áforma um að reisa um 350 fm atvinnuhúsnæði á lóðinni Hafnargötu 9a. Húsið yrði sjálfstætt frá núverandi húsnæði á lóðinni og mun hýsa sambærilega starfsemi og er nú þegar á lóðinni.

Núverandi bygging á lóðinni er 697,2 fm og með stækkun um 350 fm yrði heildarbyggingarmagn á lóðinni 1.047,2 fm. Nýtingarhlutfall lóðar skv. gildandi deiliskipulag er 0,5 en skv. fyrirspurn yrði nýtingarhlutfall á lóð 0,32.

Innviðanefnd staðfestir að fyrirspurnin eins og hún er lögð fram gagnvart viðbótarbyggingu (stærð, hæð, nýtingarhlutfalli og starfsemi í húsnæði) á lóð Hafnargötu 9a er í samræmi við skipulag. Nefndin bendir á að huga þarf sérstaklega að aðkomu að nýbyggingu innan lóðar.

Umsókn um byggingarleyfi skal berast innviðanefnd.

Lögð er fram umsókn um breytingu á áður samþykktu byggingarleyfi við Verbraut 1, málsnr. 2605077. Breytingin felst í uppfærslu hönnunargagna þar sem fallið er frá áður samþykktri utanhússeinangrun og klæðningu útveggja. Samkvæmt uppfærðum hönnunargögnum eru útveggir staðsteyptir og óeinangraðir með ómeðhöndluðu steypuyfirborði.

Lokaúttekt hefur áður farið fram á framkvæmdinni en ekki var unnt að gefa út lokaúttektarvottorð þar sem framkvæmdin var ekki að fullu í samræmi við samþykkt hönnunargögn. Í kjölfar stöðuúttektar vegna afsagnar byggingarstjóra var lögð fram fyrirliggjandi umsókn um breytingu á byggingarleyfinu.

Með erindinu fylgja uppfærður aðaluppdráttur nr. A100 frá RISS, með breytingardagsetningu 8. júlí 2026, og greinargerð byggingarfulltrúa um forsögu og stöðu málsins.

Nefndin samþykkir breytingu á byggingaráformum og telur hana samræmast gildandi skipulagi.

Um er að ræða fullnaðarafgreiðslu Innviðanefndar með vísan til 42. gr. sveitarstjórnarlaga nr. 138/2011 og viðauka 1.1 við samþykkt um stjórn og fundarsköp Grindavíkurbæjar nr. 530/2022.

Byggingarfulltrúi tekur við málinu til áframhaldandi afgreiðslu.

Málið tekið upp að nýju. Óskað var eftir afstöðu byggingarfulltrúa til þess hvort framkvæmdin væri háð framkvæmdaleyfi eða byggingarleyfi. Að mati byggingarfulltrúa er framkvæmdin byggingarleyfisskyld.

Um er að ræða byggingu hreinsivirkis á verslunar- og þjónustulóð. Með hliðsjón af eðli og umfangi framkvæmdarinnar er byggingarleyfisumsókn lögð fyrir nefndina til afgreiðslu á því hvort fyrirhuguð framkvæmd samræmist landnotkun og ákvæðum gildandi skipulags.

Nefndin telur fyrirhugaða byggingu hreinsistöðvar á lóð Bláa lónsins vera í samræmi við gildandi skipulag.

Byggingarleyfisumsókn, mál nr. 2509006, liggur fyrir og er vísað til byggingarfulltrúa til áframhaldandi afgreiðslu.

Þjónustumiðstöð óskar eftir afstöðu innviðanefndar til þess að göngustígurinn milli spennistöðvar DRE108 og Sundabrautar verði hækkaður upp, og að þjónustumiðstöð verði falið að bera málið undir Vegagerðina sem veghaldara.

Minnisblað frá Sigurði Rúnari Karlssyni vegna göngustígs meðfram Austurvegi lagt fram. Til upplýsinga fyrir nefndina er einnig lagt fram afnotleyfi frá Vegagerðinni til HS veitna vegna endurnýjunar á Háspennustreng meðfram Austurvegi.

Innviðanefnd samþykkir að hækka stíginn í samræmi við framlagða tillögu.

Lögð eru fram tvö minnisblöð, dags. 16. september 2026, með tillögum þjónustumiðstöðvar bæjarins á lagningu tveggja stíga. Annar þeirra liggur framhjá hjá Hópskóla og hinn á milli Austurvegar og Mánagötu. Óskað er eftir áliti innviðanefndar.

Innviðanefnd samþykkir tillöguna fyrir Hópsskóla. Innviðanefnd samþykkir göngustíg á milli Austurvegar og Mánagötu með fyrirvara um athugasemdalausa grenndarkynningu fyrir lóðarhöfum og forkaupsréttarhöfum Mánagötu 23, Mánagerði 4 og Austurvegur 14 og 16.

Lögð eru fram tvö minnisblöð, dags. 16. september 2026, með tillögum þjónustumiðstöðvar bæjarins að útfærslu stíga við Norðurhóp og Efrahóp. Óskað er eftir áliti innviðanefndar á heppilegri útfærslu stíga við nýja hraunið, með það að markmiði að unnt verði að fjarlægja öryggisgirðingar á svæðinu nú þegar viðgerðum á sprungum er að ljúka.

Innviðanefnd gerir athugasemdir við framlagða tillögu að legu stígsins og óskar eftir að tillagan verði endurskoðuð með hliðsjón af umræðum og ábendingum nefndarinnar. Óskað er eftir að starfshópur uppbyggingar Grindavíkur geri tillögu að bílastæðum á svæðinu. Endurskoðuð tillaga verði lögð fyrir nefndina að nýju. Innviðanefnd heimilar þjónustumiðstöð að setja lágreista girðingu í stað öryggisgirðinga.

Fundargerð lögð fram.

Fundargerð lögð fram.