Hafnarstjórn Grindavíkur - 448. fundur

Sorpáætlun Grindavíkurhafnar lögð fram, hafnarstjóra falið að birta áætlunina á vef Grindavíkurbæjar

Hafnarstjórn bendir á að rekstur hafnarinnar stendur að mörgu leyti vel, en líkt og margar fiskihafnir geta hafnarsjóðir sem reiða sig að mestu leyti á aflagjöld og hefðbundin þjónustugjöld af fiskiskipum illa staðið undir nauðsynlegum fjárfestingum. Þar skilur á milli hafna sem einnig hafa tekjur af út- og innflutningi. Afla sem skipað er á land í Grindavíkurhöfn eru u.þ.b. 20 milljarðar í útflutningsverðmætum. Um er að ræða gríðarleg aflaverðmæti sem fara um fiskiskipahafnir sem útflutningshafnir njóta góðs af. Hafnarstjórn telur að jafna þurfi hlut fiskhafna og út - og innflutningshafna í gegnum hafnabótasjóð.

Viðbragðsáætlun vegna bráðamengunar innan hafnarsvæðis lögð fram til kynningarlögð fram, hafnarstjóra falið að birta áætlunina á vef Grindavíkurbæjar. Hafnarstjórn leggur áherslu á að haldnar verði æfingar með viðeigandi viðragðsaðilum samkvæmt samningi við Slökkvilið Grindavíkur.

Siglingasvið vegagerðainnar leggur til að hæð bryggjunar verði 20 cm hærri. Von er á hönnuðum í næstu viku þar sem þessi mál verða yfirfarin.