Frístunda- og menningarnefnd - 82. fundur

Nefndin heimsótti Íþróttamiðstöð Grindavíkur og fékk kynningu á starfseminni frá Hermanni Guðmundssyni, forstöðumanni íþróttamannvirkja.

Drög að verklagsreglum vegna kjörs á íþróttafólki Grindavíkur lögð fram. Frístunda- og menningarnefnd samþykkir að auglýsa drög að reglunum á heimasíðu bæjarins þar sem íbúum og hagaðilum gefst kostur á að gera athugasemdir við reglurnar fyrir 1. maí n.k.

Auglýst var eftir ábendingum og athugasemdum vegna endurskoðunar reglugerðar og vinnureglna íþrótta- og afrekssjóðs Grindavíkur. Skilafrestur var til 1. apríl. Engar athugasemdir eða ábendingar bárust. Frístunda- og menningarnefnd felur sviðsstjóra frístunda- og menningarsviðs að vinna málið áfram.

Grindavíkurkirkja óskar eftir endurnýjun samstarfssamnings við Grindavíkurbæ. Frístunda- og menningarnefnd felur sviðsstjóra frístunda- og menningarsviðs að óska eftir frekari upplýsingum frá Grindavíkurkirkju fyrir næsta fund nefndarinnar.

Drög að samstarfssamningi við Hestamannafélagið Brimfaxa lögð fram. Frístunda- og menningarnefnd felur sviðsstjóra frístunda- og menningarsviðs að óska eftir frekari upplýsingum frá Hestamannafélaginu Brimfaxa fyrir næsta fund nefndarinnar.

Drög að samnstarfssamningi við Íþróttafélagið Nes lögð fram. Frístunda- og menningarnefnd samþykkir drögin og felur sviðsstjóra frístunda- og menningarsviðs að leggja samninginn fyrir bæjarráð.

Lagt fram erindi frá KFUM og KFUK á Íslandi þar sem óskað er eftir stuðningi við leikjanámskeið í júní. Frístunda- og menningarnefnd tekur vel í erindið og felur sviðsstjóra frístunda- og menningarsviðs að vinna drög að samningi og leggja fyrir nefndina.

Rætt um Menningarviku sem að fram fór 9.-17. mars sl. Frístunda- og menningarnefnd leggur til að umræða um framtíð Menningarviku verði tekin í tengslum við endurskoðun menningarstefnu Grindavíkurbæjar.

Frístunda- og menningarnefnd felur sviðsstjóra frístunda- og menningarsviðs að setja af stað vinnu við endurskoðun menningarstefnu Grindavíkurbæjar.

Drög að dagskrá Sjóarans síkáta 31. maí - 2. júní nk. lögð fram.

Rætt um fyrirkomulag hátíðarhalda í tilefni af 17. júní.

Rætt um leiksvæði og aðstöðu til íþróttaiðkunar utanhúss. Nefndin felur sviðsstjóra frístunda- og menningarsviðs að vinna úttekt á leiksvæðum og aðstöðu til íþróttaiðkunar utanhúss.

Greinagerð um stöðu Kvikunnar lögð fram. Nefndin fagnar því að ráðast eigi í stefnumótunarvinnu fyrir starfsemi hússins.