Frístunda- og menningarnefnd - 117. fundur

Unnið verður að forhönnun sundlaugarsvæðisins í vetur. Í maí var auglýst á vef Grindavíkurbæjar eftir hugmyndum frá íbúum þar sem þeim gafst kostur á að koma hugmyndum sínum, ábendingum og athugasemdum á framfæri. Í auglýsingunni sagði m.a. að leitað væri að hugmyndum sem endurspegli hlutverk laugarinnar sem miðstöð sundkennslu, vellíðunar og leikja fyrir íbúa á öllum aldri.

Hugmyndir íbúa voru lagðar fyrir fund frístunda- og menningarnefndar þann 27. júní sl. Á þeim fundi var sviðsstjóra falið að vinna tillögur að framtíðarsýn fyrir sundlaugarsvæðið sem byggja á þeim hugmyndum sem bárust.

Minnisblað sviðsstjóra lagt fram þar sem hugmyndir íbúa vegna endurhönnunar sundlaugarsvæðisins hafa verið teknar saman í tillögur að framtíðarsýn fyrir svæðið. Nefndin vann frekar úr tillögunum á fundinum og felur sviðsstjóra að leggja þær fyrir bæjarráð.

Ungmennahús ætlað 16-25 ára var starfandi sem tilraunaverkefni á fimmtudagskvöldum fyrri hluta árs. Samantekt forstöðumanns Þrumunnar um starfsemi ungmennahússins lögð fram.

Nefndin leggur til við bæjarráð að tryggja áframhaldandi rekstur ungmennahússins.

Grindavíkurbæ ber að setja sér málstefnu sbr. 130. gr. sveitastjórnarlaga. Nefndin felur sviðsstjóra að vinna málið áfram.

Rætt um möguleikann á að taka upp styrkjakerfi í frístundastarfi fyrir börn og unglinga með lögheimili í Grindavík sem ekki stunda íþróttir hjá íþróttafélögum með samstarfssamninga við Grindavíkurbæ.

Grindavíkurbær styður nú þegar vel við íþróttastarf í Grindavík sem tryggir lág æfingagjöld.

Nefndin telur að styðja þurfi við foreldra barna sem ekki stunda íþróttir. Markmiðið væri að öll börn og unglingar geti tekið þátt í frístundastarfi óháð efnahag eða félagslegri stöðu.

Nefndin felur sviðsstjóra að afla frekari gagna.

Nefndin samþykkir að veita Nökkva Má Jónssyni styrk að upphæð kr. 45.000 á grundvelli 7. gr. reglna um styrki vegna íþróttaafreka.

Lára Lind Jakobsdóttir sækir um starfsstyrk 2023 í samræmi við verklagsreglur um úthlutun starfsstyrkja á frístunda- og menningarsviði.

Sviðsstjóra falið að vinna málið áfram.

Drög að samsstarfssamningi við Grindavíkurkirkju lögð fram. Nefndin samþykkir drögin fyrir sitt leyti og vísar þeim til bæjarráðs.

Frekari upplýsingar um starfsemi félagsins lagðar fram. Sviðsstjóra falið að vinna málið áfram.

Þórunn vék af fundi við umræður og afgreiðslu málsins.

Frekari upplýsingar um starfsemi félagsins lagðar fram. Sviðsstjóra falið að vinna málið áfram.

Unnið í starfsáætlun frístunda- og menningarnefndar 2022-2026.