Frístunda- og menningarnefnd - 80. fundur

Samþykkt að taka verklagsreglur vegna kjörs á íþróttamanni og íþróttakonu Grindavíkur til endurskoðunar. Óskað verður eftir ábendingum frá íþróttafélögum og deildum sem að rétt hafa á að tilnefna íþróttafólk í kjörinu samkvæmt gildandi reglum auk þess sem nefndin óskar eftir ábendingum frá íbúum fyrir 1. mars.

Greinagerðir frá UMFG vegna unglinga- og afreksstyrks 2018 lagðar fram. Nefndin samþykkir greinagerðirnar með vísan í samstarfssamning við UMFG.

Lögð fram umsókn um styrk í Afrekssjóð. Umsókn hafnað á grundvelli reglna um Afrekssjóð og áherslur á styrkingu unglingastarfs.

Nefndin samþykkir breytingar á drögum að samningi og vísar til bæjarráðs til umfjöllunar.

Nefndin samþykkir breytingar á drögum að samningi og vísar til bæjarráðs til umfjöllunar.

Nefndin samþykkir drög að samningi við Kvennakór Grindavíkur og vísar til bæjarráðs til afgreiðslu.

Menningarvika í Grindavík fer fram 9.-17. mars. Drög að dagskrá vikunnar lögð fram. Bæjarbúar eru hvattir til að taka þátt í vikunni.

Sjóarinn síkáti fer fram dagana 31. maí til 2. júní nk. Verkefnisáætlun fyrir hátíðina lögð fram.

Drög að handbók Vinnuskólans í Grindavík sumarið 2019 lögð fram. Nefndin vonast til þess að Vinnuskólinn gangi vel og verði vel sóttur í sumar. Þá vonar nefndin að vinnan verði markviss og fjölbreytt.

Nefndin felur sviðsstjóra frístunda- og menningarsviðs að leita eftir samningum við útgefanda Bæjarbótar og Landsbókasafn Íslands - Háskólabókasafn um stafræna endurgerð Bæjarbótar.