Frístunda- og menningarnefnd - 112. fundur

Rætt um verklagsreglur vegna vals á íþróttafólki Grindavíkur.

Aðalstjórn UMFG leggur til að kjörið verði áfram leynilegt en niðurstaðan verði kynnt kjörnefnd á kjörfundi. Kjörnefnd hafi þá möguleika á að endurtaka kosninguna að því gefnu að 2/3 hluti fundarmanna samþykki það.

Nefndin samþykkir að gera ekki breytingar á verklagsreglunum.

Uppfærð drög að skýrslu um framtíðarsýn fyrir leiksvæði í Grindavík lögð fram. Nefndin felur sviðsstjóra að óska eftir umsögn um skýrsluna frá hagaðilum.

Drög að starfsáætlun Vinnuskóla Grindavíkurbæjar sumarið 2022 lögð fram. Nefndin samþykkir starfsáætlunina.

Drög að endurskoðaðri samþykkt fyrir ungmennaráð lögð fram. Nefndin samþykkir samþykktirnar fyrir sitt leyti með áorðnum breytingum og vísar þeim til afgreiðslu í bæjarráði.

Félag um barnabókasafn hefur leitað til Grindavíkurbæjar að hýsa Barnabókasafn, barnamenningarmiðstöð og fræðasetur um barnamenningu. Nefndin felur sviðsstjóra að afla frekari gagna.

Fundargerðir 43. og 44. fundar ungmennaráðs lagðar fram.

Fundargerð 45. fundar ungmennaráðs lögð fram.