Frístunda- og menningarnefnd - 88. fundur

Sviðsstjóri kynnti stöðu málsins.

Íþróttafólk Grindavíkur verður útnefnt á Gamlársdag kl. 11:00. Kjörfundur mun fara fram fimmtudaginn 5. desember kl. 18:00.

Fjárhagsáætlun frístunda- og menningarsviðs fyrir árið 2020 lögð fram til kynningar.

Frestað til næsta fundar.

Sviðsstjóri kynnti drög að stefnumótun fyrir Kvikuna og drög að forgangsröðun aðgerða ásamt niðurstöðum úr viðtölum, rýnifundum, íbúafundi og fundi með atvinnulífinu.

Drög að verklagsreglum vegna afhendingar menningarviðurkenninga Grindavíkurbæjar lagðar fram. Nefndin felur sviðsstjóra að kynna reglurnar á vef Grindavíkurbæjar og gefa íbúum kost á að koma sínum sjónarmiðum á framfæri.

Sviðsstjóri kynnti hugmyndir að sjávarréttahátíð sem til stendur að fram fari í Grindavík haustið 2020.

Sviðsstjóri kynnti hugmyndir að tónlistarhátíð á Suðurnesjum. Nefndin tekur vel í hugmyndina og felur sviðsstjóra að vinna áfram að framgangi hugmyndarinnar.

Lögð fram fyrirspurn um áhuga á kaupum á bátasafni í einkaeigu. Nefndin leggur til við bæjarráð að afþakka tilboðið þar sem safnið hefur ekki beina tengingu við Grindavík.