Frístunda- og menningarnefnd - 109. fundur

Framkvæmdastjóri UMFG sat fundinn undir þessum lið.

Aðalstjórn UMFG óskar eftir aðkomu Grindavíkurbæjar að nefnd sem hefði það markmið að kanna kosti og galla þess að stofna rafíþróttadeild innan UMFG. Nefndin tekur jákvætt í erindið og leggur til að Þórunn Erlingsdóttir og forstöðumaður Þrumunnar verði fulltrúar Grindavíkurbæjar í nefndinni.

Framkvæmdastjóri UMFG sat fundinn undir þessum lið.

Farið yfir þarfagreiningu vegna framtíðaruppbyggingar sundlaugarsvæðis frá 2019 og skýrslu um skipulag sundlaugarsvæðis frá 2013.

Nefndin leggur til við bæjarstjórn að unnið verði að hönnun sundlaugamannvirkja samhliða deiliskipulagningu íþróttasvæðisins.

Framkvæmdastjóri UMFG sat fundinn undir þessum lið.

Rætt um fyrirkomulag kjörs og útnefningu á íþróttafólki Grindavíkur 2021.

Frístunda- og menningarnefnd hefur möguleika á að tilnefna einstaklinga með lögheimili í Grindavík sem skarað hafa fram úr í íþróttum og utan íþróttafélaga í Grindavík. Nefndin mun ekki nýta rétt sinn til að tilnefna í ár.

Fjárhagsáætlun frístunda- og menningarsviðs 2022 lögð fram eins og hún lítur út eftir fyrri umræðu í bæjarstjórn.

Lagt fram erindi frá forstöðumanni íþróttamannvirkja vegna nikótínpúðanotkunar gesta. Notkun nikótínpúða er vandamál í íþróttamannvirkjunum og fylgir mikill sóðaskapur. Nefndin bendir á að forstöðumenn hafa heimild til að setja reglur í sínum stofnunum en styður tillögu forstöðumanns íþróttamannvirkja að banna notkun púðanna á íþróttasvæðinu.

Niðurstöður Ungs fólks 2021, könnunar á líðan og högum ungs fólks í Grindavík lögð fram. Könnunin var lögð fyrir í febrúar 2021.

Frístunda- og menningarnefnd staðfestir eftirfarandi styrkúthlutanir vegna íþróttaafreka:

Alex Máni Pétursson: 25.000 kr.

Alexander Veigar Þorvaldsson: 25.000 kr.

Tómas Breki Bjarnason: 25.000 kr.

Fundargerð 5. fundar lýðheilsuteymis Grindavíkurbæjar lögð fram til kynningar.