Frístunda- og menningarnefnd - 83. fundur

Drög að verklagsreglum vegna vals á íþróttafólki Grindavíkur lagðar fram. Frístunda- og menningarnefnd samþykkir reglurnar og vísar þeim til bæjarráðs.

Drög að reglum um styrki vegna íþróttaafreka lagðar fram. Frístunda- og menningarnefnd samþykkir að auglýsa drög að reglunum á heimasíðu bæjarins þar sem íbúum og hagaðilum gefst kostur á að gera athugasemdir við reglurnar fyrir 1. júní n.k.

Frístunda- og menningarnefnd felur sviðsstjóra frístunda- og menningarsviðs að vinna verklagsreglur vegna samninga við félagasamtök. Nefndin felur sviðsstjóra að auglýsa að samningar sem greiða á eftir á árinu 2020 verði að liggja fyrir 1. september 2019.

Lögð fram drög að samstarfssamningi við Grindavíkurkirkju. Frístunda- og menningarnefnd samþykkir samninginn og vísar honum til bæjarráðs.

Lögð fram drög að samstarfssamningi við KFUM og KFUK á Íslandi. Frístunda- og menningarnefnd samþykkir samninginn og vísar honum til bæjarráðs.

Lögð fram drög að samstarfssamningi við Félag eldri borgara í Grindavík. Frístunda- og menningarnefnd samþykkir samninginn og vísar honum til bæjarráðs.

Lögð fram drög að samstarfssamningi við Hestamannafélagið Brimfaxa. Frístunda- og menningarnefnd felur sviðsstjóra frístunda- og menningarsviðs að boða fulltrúa félagsins á næsta fund nefndarinnar.

Rætt um leikja- og frístundanámskeið sumarið 2019.

Frístunda- og menningarnefnd leggur til við bæjarráð að hugað verði sem fyrst að 50 ára kaupstaðarafmæli Grindavíkurbæjar árið 2024, m.a. með ritun sögu bæjarins í huga.

Akstursíþróttafélag Suðurnesja leggur fram tillögu um rallkeppni í Grindavík 31. maí eða 1. júní. Frístunda- og menningarnefnd gerir ekki athugasemdir við það að keppnin fari fram en leggur til að settar verði strangar kröfur um umgengni á keppnissvæðinu.