Frístunda- og menningarnefnd - 114. fundur

Rætt um vettvangsferð nefndarinnar um sundlaugarsvæðið 22. mars sl. Einnig lagt fram minnisblað sviðsstjóra frístunda- og menningarsviðs um þróun hugmynda að framtíð sundlaugarsvæðis undanfarna tvo áratugi.

Nefndin ítrekar við bæjarráð nauðsyn þess að hefjast handa við hönnun sundlaugarsvæðisins sem fyrst.

Drög að framtíðarsýn fyrir leikvelli í Grindavík lögð fram. Nefndin samþykkir framtíðarsýnina fyrir sitt leyti og vísar henni til bæjarráðs.

Nefndin samþykkir samhljóða að veita Kvikunni menningarhúsi menningarverðlaun Grindavíkurbæjar 2022 fyrir jákvæð áhrif á menningarlíf í Grindavík. Verðlaunin verða afhent í Kvikunni miðvikudagskvöldið 6. apríl kl. 20:00.

Minnisblað um flöggun á vegum Grindavíkurbæjar lagt fram.

Alls eru 27 fánastangir við stofnanir Grindavíkurbæjar auk þess sem sveitarfélagið á færanlegar fánaborgir og stangir. Verktaki sér um að flagga íslenska fánanum á þremur stöngum á lögbundnum fánadögum, við andlát og þegar útfarir fara fram. Flaggað er á fánastöngum meðfram Víkurbraut og Ránargötu í tengslum við Sjóarann síkáta og á 17. júní.

Nefndin telur vanta fánastangir við innkomu í bæinn auk meira áberandi fánastangar miðsvæðis sem væri "aðalfánastöng" bæjarins sem hægt væri að nýta við ýmiskonar tilefni, t.d. á 17. júní.

Rætt um fjölmenningu í Grindavík.