Frístunda- og menningarnefnd - 79. fundur

Félagsmiðstöðin Þruman heimsótt. Nefndin fékk kynningu á starfseminni frá Melkorku Ýr Magnúsdóttur frístundaleiðbeinanda.

Rætt um hvernig til tókst við tendrun jólatrés, jólaball, útnefningu íþróttafólks ársins og þrettándagleði. Nefndin felur sviðsstjóra að koma með tillögur að endurskoðun á tendrun jólatrés og þrettándagleði.

Viðburðadagatal á frístunda- og menningarsviði fyrir árið 2019 lagt fram.

Nefndin vísar áður samþykktum samningi til bæjarráðs og hafnar óskum um frekari hækkun á framlagi.

Lögð fram drög að samningi við Félag eldri borgara í Grindavík. Nefndin samþykkir samninginn og vísar honum til bæjarráðs.

Fyrstu tillögur að hönnun útsýnispalls og sviðs fyrir neðan Kvikuna lagðar fram. Nefndinni líst vel á hugmyndina og leggur til að þær verði þróaðar áfram. Varanlegt svið og skjólsælt torg á þessum stað munu koma að góðum notum í tengslum við hina ýmsu viðburði í sveitarfélaginu og efla bæjarbraginn.

Minja- og sögufélag Grindavíkur óskar eftir varanlegu geymsluhúsnæði til að hýsa muni í eigu félagsins og Grindavíkurbæjar. Nefndin vísar málinu til bæjarráðs til umfjöllunar.

Lagt fram erindi frá Sirkus Íslands og Hringleik - Sirkuslistafélagi þar sem kannaður er áhugi á samstarfi og stuðningi við sirkushátíð í Grindavík sumarið 2019. Nefndin er jákvæð gagnvart erindinu og felur sviðsstjóra að ræða við bréfritara.