Frístunda- og menningarnefnd - 103. fundur

Framkvæmdastjóri UMFG sat fundinn undir þessum dagskrárlið.

Minnisblað vegna athugunar á kostum þess að leggja gervigras á Grindavíkurvöll lagt fram. Í minnisblaðinu eru reifuð helstu sjónarmið hagaðila, þ.e. Knattspyrnudeildar UMFG, forstöðumanns íþróttamannvirkja og skólastjóra Grunnskóla Grindavíkur.

Nefndin tekur undir tillögu Knattspyrnudeildar UMFG varðandi næstu skref og leggur til við bæjarráð að unnin verði forathugun á því hvort breyta eigi keppnis- og/eða æfingavöllum frá náttúrulegu grasi yfir í gervigras.

Framkvæmdastjóri UMFG sat fundinn undir þessum dagskrárlið.

Rætt um framboð og kostnað foreldra við frístundastarf fyrir leikskólabörn.

Rætt um möguleikann á að setja upp sýningu í Grindavík sem tengist einstakri jarðfræði Reykjanesskagans og eldsumbrotum við Fagradalsfjall. Nefndin telur að í bænum eigi að vera vettvangur fyrir gesti til að kynna sér jarðfræði svæðisins áður en haldið er í skoðunarferð um Reykjanesskagann. Nefndin felur sviðsstjóra að kanna möguleika á samstarfi við Reykjanes Geopark og lykilstofnanir á sviði náttúrufræða, s.s. Náttúrstofu Suðvesturlands og Náttúruminjasafn Íslands.

Drög að dagskrá menningarvors lögð fram. Ljóst er að breyting mun verða á dagskránni þar sem ekki er mögulegt að standa fyrir viðburðum fyrri hluta aprílmánaðar vegna samkomutakmarkana.

Nefndin samþykkir samhljóða að veita Kristinson handmade og VIGT menningarverðlaun Grindavíkurbæjar 2021 fyrir framlag þeirra til hönnunar og nýsköpunar.

Fundargerð 42. fundar ungmennaráðs lögð fram.