Frístunda- og menningarnefnd - 116. fundur

Varamenn í frístunda- og menningarnefnd þau Anna Elísa Karsldóttir Long, Þórunn Erlingsdóttir og Petra Rós Ólafsdóttir sátu fundinn undir þessum lið.

Sviðsstjóri kynnti starfsemi frístunda- og menningarsviðs. Einnig var farið yfir samþykkt fyrir frístunda- og menningarnefnd, samþykkt um stjórn og fundarsköp Grindavíkurbæjar og siðareglur kjörinna fulltrúa Grindavíkurbæjar.

Rætt var um helstu verkefni frístunda- og menningarnefndar á kjörtímabilinu. Nefndin mun vinna starfsáætlun á fundi í haust.

Um miðjan maí var leitað eftir hugmyndum frá íbúum vegna endurhönnunar sundlaugarsvæðisins. Hugmyndir íbúa lagðar fram. Sviðsstjóra falið að vinna úr innsendum hugmyndum og leggja fyrir nefndina á næsta fundi.

Sjóarinn síkáti fór fram 10.-12. júní sl. Hátíðin var vel sótt og gekk vel fyrir sig. Frístunda- og menningarnefnd þakkar öllum þeim sem komu að hátíðinni í ár fyrir sitt framlag.

Rætt var um hvernig til tókst með hátíðarhöld í tengslum við 17. júní.

Lagt fram erindi frá grindvískum keppendum í strandblaki þar sem skorað er á sveitarfélagið að bæta aðstæður til strandblaks í Grindavík. Nefndin leggur til að erindið verði skoðað samhliða vinnu deiliskipulags fyrir íþróttasvæðið.

Gömlu innsiglingarvörðurnar í Grindavík liggja undir skemmdum vegna jarskjálfta. Nefndin felur sviðsstjóra að vinna málið áfram.

Nökkvi Már Jónsson sækir um fræðslustyrk á grundvelli 7. gr. reglna um styrki vegna íþróttaafreka. Nefndin frestar afgreiðslu málsins og óskar eftir frekari gögnum.

Þorleifur Ólafsson sækir um fræðslustyrk á grundvelli 7. gr. reglna um styrki vegna íþróttaafreka. Samþykkt að veita styrk að upphæð kr. 35.000.

Grindavíkurkirkja sækir um starfsstyrk fyrir barna- og unglingastarf 2023-2026 í samræmi við verklagsreglur um úthlutun starfsstyrkja á frístunda- og menningarsviði. Sviðsstjóra falið að vinna málið áfram.

Pílufélag Grindavíkur sækir um starfsstyrk í samræmi við verklagsreglur um úthlutun starfsstyrkja á frístunda- og menningarsviði. Sviðsstjóra falið að vinna málið áfram.

Listvinafélag Grindavíkur sækir um starfsstyrk 2023-2025 í samræmi við verklagsreglur um úthlutun starfsstyrkja á frístunda- og menningarsviði. Sviðsstjóra falið að vinna málið áfram.

Innsend gögn frá Unglingadeildinni Hafbjörgu vegna starfsstyrks 2022 lögð fram.

Innsend gögn frá Hestamannafélaginu Brimfaxa vegna starfsstyrks 2022 lögð fram.