Frístunda- og menningarnefnd - 90. fundur

Starfslýsing framkvæmdastjóra UMFG lögð fram samkvæmt grein 4.4 í samstarfssamningi Grindavíkurbæjar og aðalstjórnar Ungmennafélags Grindavíkur um eflingu íþróttastarfs í Grindavík 2020-2024. Frístunda- og menningarnefnd fagnar því að aðalstjórn UMFG ráði sameiginlegan framkvæmdastjóra og vonast eftir góðu samstarfi við þann eða þá sem ráðin verður í starfið.

Rætt um hvernig til tókst með þá viðburði sem frístunda- og menningarnefnd kom að því að skipuleggja um jól og áramót. Nefndin telur að allir viðburðir hafi heppnast vel. Nefndin leggur til við bæjarráð að sviðsstjóra verði falið að auglýsa eftir áhugasömum aðila til þess að hafa umsjón með áramótabrennu 2020.

Drög að viðburðadagatali fyrir árið 2020 lögð fram. Nefndin leggur til að í stað Menningarviku í mars verði viðburðum dreift á vormánuði undir heitinu Menningarvor í Grindavík.

Fylgiskjöl

• Viðburðadagatal 2020.xlsx

Drög að framtíðarsýn fyrir Sjóarann síkáta lögð fram. Nefndin samþykkir drögin fyrir sitt leyti og vísar þeim til afgreiðslu í bæjarráði.

Drög að verkefnisáætlun ásamt uppfærðu markaðsefni fyrir Sjóarann síkáta 2020 lögð fram. Hátíðin fer fram 5.-7. júní í ár. Dagskrá hátíðarinnar mun taka mið af niðurstöðu könnunar er gerð var í kjölfar hátíðarinnar 2019. Ýmsar breytingar verða á dagskrá og ásýnd hátíðarinnar í takt við við vilja íbúa.

Tillaga að skipulagi fyrir Vinnuskóla Grindavíkur 2020 lögð fram. Nefndin samþykkir tillöguna.

Tillaga forvarnateymis Grindavíkurbæjar að verklagsreglum um úthlutun styrkja til forvarnamála lögð fram. Frístunda- og menningarnefnd samþykkir reglurnar og vísar þeim til staðfestingar í bæjarráði.