Frístunda- og menningarnefnd - 81. fundur

Nefndin heimsótti Bókasafn Grindavíkur og fékk kynningu á starfsemi safnsins frá Andreu Ævarsdóttur, forstöðumanni.

Lagðar fram innsendar tillögur vegna breytinga á verklagsreglum vegna kjörs á íþróttamanni og íþróttakonu Grindavíkur. Sviðsstjóra frístunda- og menningarsviðs falið að leggja fram tillögur að breytingum á næsta fundi nefndarinnar.

Samþykkt að taka reglugerð og vinnureglur Íþrótta- og afrekssjóðs til endurskoðunar. Óskað verður eftir ábendingum frá íþróttafélögum og deildum sem að rétt hafa á að tilnefna íþróttafólk í kjörinu samkvæmt gildandi reglum auk þess sem nefndin óskar eftir ábendingum frá íbúum fyrir 1. mars.

Lögð fram drög að samstarfssamningi við Knattspyrnudeild UMFG um umhirðu á félagssvæði deildarinnar árið 2019. Frístunda- og menningarnefnd samþykkir samninginn og vísar honum til bæjarráðs.

Sviðsstjóra frístunda- og menningarsviðs falið að vinna að nýjum samstarfssamningi við Hestamannafélagið Brimfaxa.

Íþróttafélagið Nes óskar eftir samstarfssamningi við Grindavíkurbæ til 5 ára. Sviðsstjóra frístunda- og menningarsviðs falið að leggja drög að samstarfssamningi fyrir næsta fund nefndarinnar.

Lagt fram erindi frá stjórn og reiðveganefnd Brimaxa varðandi drög að nýju aðalskipulagi Grindavíkur 2018-2030. Frístunda- og menningarnefnd leggur áherslu á að reiðvegir eru mikilvægir hestamönnum til þess að þau geti stundað íþrótt sína og hvetur til þess að umferð ríðandi og gangandi verði aðskilin frá umferð vélknúinna ökutækja.

Dagskrá Menningarviku 9.-17. mars nk. lögð fram.

Frístunda- og menningarnefnd samþykkir samhljóða að afhenda Höllu Maríu Svansdóttur menningarverðlaun Grindavíkurbæjar 2019.

Rætt um skort á aðstöðu til tónleikahalds í Grindavík. Frístunda- og menningarnefnd vísar málinu til bæjarráðs.

Rætt um leikja- og frístundanámskeið sumarið 2019.