Frístunda- og menningarnefnd - 118. fundur

Nefndin heimsótti félagsmiðstöðina Þrumuna, Bókasafn Grindavíkur, Hópsskóla, íþróttamannvirki Grindavíkurbæjar og Kvikuna menningarhús. Nefndin hitti forstöðumenn stofnanna og kynnti sér starfsemi þeirra.

Drög að samsstarfssamningi við Listvinafélag Grindavíkur lögð fram. Nefndin samþykkir samningsdrögin fyrir sitt leyti og vísar þeim til afgreiðslu í bæjarráði.

Drög að samsstarfssamningi við Pílufélag Grindavíkur lögð fram. Nefndin samþykkir samningsdrögin fyrir sitt leyti og vísar þeim til afgreiðslu í bæjarráði.

Drög að samsstarfssamningi við Láru Lind Jakobsdóttur lögð fram. Nefndin samþykkir samningsdrögin fyrir sitt leyti og vísar þeim til afgreiðslu í bæjarráði.

Eftir heimsóknir á stofnanir á frístunda- og menningarsviði leggur nefndin áherslu á eftirfarandi við gerð fjárhagsáætlunar 2023:

*Lokið verði við deiliskipulag íþróttasvæðisins og forhönnun sundlaugarsvæðisins.

*Ráðinn verði starfsmaður í 100% starfshlutfall í félagsmiðstöðina Þrumuna.

*Skipt verði um gervigras og undirlag í Hópinu í kjölfar mats úttektaraðila ef viðkomandi telur þörf á því.

*Bæta aðgengi að knattspyrnuvellinum og Hópinu þannig að aðgengi verði fyrir alla.

*Ráðinn verði starfsmaður í 50% starfshlutfall á Bókasafn Grindavíkur sem sinnir safni í Hópsskóla.

*Aukið fjármagn verði sett í viðhald og uppbyggingu leikvalla.

*Haldið verði áfram að styðja við menningarstarfsemi í Kvikunni.

Sviðsstjóri fór yfir stöðu mála varðandi forhönnun sundlaugarsvæðis.

Bæjarráð samþykkti á 1620. fundi sínum þann 6. september sl. að tillögur frístunda- og menningarnefndar sem samþykktar voru á 117. fundi nefndarinnar verði notaðar til grundvallar við hönnun svæðisins.

Hugmyndabók fyrir gestastofu Reykjanes Geopark í Kvikunni lögð fram.

Dagskrá menningarhúsanna í Grindavík haustið 2022 lögð fram.

Rætt um viðburðahald um jól og áramót 2022-2023.