Frístunda- og menningarnefnd - 86. fundur

Drög að reglum um styrki vegna íþróttaafreka lögð fram. Frístunda- og menningarnefnd samþykkir reglurnar fyrir sitt leyti og vísar þeim til afgreiðslu í bæjarráði.

Rætt um framkvæmd Vinnuskóla Grindavíkur sumarið 2019 og fyrirkomulag skólans sumarið 2020. Frístunda- og menningarnefnd leggur til að nemendum í 7. bekk verði boðin vinna í Vinnuskólanum að ári.

Rætt um áherslur í fjárhagsáætlunargerð á frístunda- og menningarsviði fyrir árið 2020.

Lögð fram drög að samstarfssamningi við Pílufélag Grindavíkur. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.

Lögð fram drög að samstarfssamningi við Slysavarnardeildina Þórkötlu 2020-2021. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.

Rætt um viðburði á vegum Grindavíkurbæjar um jól og áramót 2019-2020. Sviðsstjóra frístunda- og menningarsviðs falið að vinna áfram í málinu.

Rætt um næstu skref við endurskoðun menningarstefnu Grindavíkurbæjar.

Sveitarfélögin á Suðurnesjum standa fyrir heilsu- og forvarnarviku 30. september - 6. október nk. Dagskrá vikunnar verður auglýst á grindavik.is þegar hún liggur fyrir.

Sjómanna- og vélstjórafélag Grindavíkur og Verkalýðsfélag Grindavíkur óska eftir samstarfi við Grindavíkurbæ vegna kaupa á hoppuköstulum til nota á viðburðum í sveitarfélaginu. Frístunda- og menningarnefnd tekur jákvætt í erindið og felur sviðsstjóra frístunda- og menningarsviðs að leggja það fyrir bæjarráð.