Frístunda- og menningarnefnd - 92. fundur

Rætt um mögulegar breytingar á verklagsreglum vegna vals á íþróttafólki Grindavíkur. Sviðssjóra frístunda- og menningarsviðs falið að leggja fram tillögur að breytingum á næsta fundi nefndarinnar í samræmi við umræður á fundinum.

Frestur til að sækja um fræðslustyrki rann út 25. febrúar sl. Ein umsókn barst nefndinni. Samþykkt að styrkja Anton Inga Rúnarsson og Milos Jugovic um samtals 100.000 kr. vegna kynnisferðar til Serbíu.

Lagt fram minnisblað samráðshóps um heilsueflandi samfélag á Suðurnesjum. Samráðshópurinn leggur til við sveitarfélögin á Suðurnesjum að:

a) fella niður gjöld fyrir börn og ungmenni yngri en 18 ára þvert á sveitarfélög.

b) árskort í sundlaugarnar gildi á milli sundlauga á Suðurnesjum.

Frístunda- og menningarnefnd leggur til við bæjarráð að öll árskort í sundlaugar á Suðurnesjum gildi á milli lauga á svæðinu að því gefnu að önnur sveitarfélög á Suðurnesjum samþykki tillögur samráðshópsins.

Pétur Rúðrik Guðmundsson vék af fundi við afgreiðslu og umfjöllun málsins.

Farið yfir tilnefningar til menningarverðlauna Grindavíkurbæjar 2020.

Dagskrá Menningarvors í Grindavík 2020 lögð fram.

Lögð fram drög að menningarstefnu Grindavíkurbæjar. Sviðsstjóri mun vinna áfram í málinu.