Frístunda- og menningarnefnd - 49. fundur

Menningarvika Grindavíkur verður 12.-20. mars. Næsti opni undirbúningsfundur verður mánudaginn 11. janúar n.k. og eru Grindvíkingar hvattir til þess að mæta á hann.

Kjörið tókst vel að þessu sinni í glæsilegri umgjörð í Gjánni og endurspeglar öflugt íþróttalíf í Grindavík. Farið yfir verkefnisáætlun og hugmyndir að endurbótum fyrir næsta ár.

Lagt fram.

Alþjóðleg Hreyfivika sem Grindavíkurbær hefur tekið þátt í samstarfi við UMFÍ hefur fram að þessu verið haldin að hausti. Í ár verður hún hins vegar haldin 22.-28. maí. Nefndin er sammála um að taka þátt í henni í vor og standa svo fyrir heilsuviku í lok september.

Þrettándagleðin fór fram 6. janúar og tókst vel. Farið yfir verkefnisáætlun og hugmyndir að endurbótum fyrir næsta ár.

Framboðsfrestur í nýtt Ungmennaráð er til 12. janúar. Ef kemur til kosninga kemur verða þær viku síðar. Nefndin hvetur ungt fólk í Grindavík til að bjóða fram krafta sína í spennandi starf Ungmennaráðs.

Sviðsstjóri lagði fram yfirlit um gildandi samninga við íþróttafélög og félagasamtök í Grindavík. Ljóst er að Grindavíkurbær styður dyggilega við bakið á starfsemi félaga og deilda.

Beiðni frá Björgunarsveitinni Þorbirni um endurnýjun á nýjum samstarfssamningi við Grindavíkurbæ sem rann út um áramótin. Sviðsstjóra og bæjarstjóra falið að ræða við björgunarsveitina í samræmi við umræður í nefndinni.

Beiðni frá unglingadeildinni Hafbjörgu um endurnýjun á nýjum samstarfssamningi við Grindavíkurbæ sem rennur út í vor. Sviðsstjóra falið að ræða við Hafbjörgu í samræmi við umræður í nefndinni.

Beiðni frá slysavarnardeildinni Þórkötlu um endurnýjun á nýjum samstarfssamningi við Grindavíkurbæ sem rann út um áramótin. Sviðsstjóra falið að ræða við Þórkötlu í samræmi við umræður í nefndinni.

Fundargerðin lögð fram.