Frístunda- og menningarnefnd - 43. fundur

Andrea Ævarsdóttir nýr forstöðumaður bókasafnsins kynnti sig og þau verkefni sem fram undan eru á bókasafninu. Nefndin býður Andreu velkomna til starfa.

Nefndin samþykkir nýjan samstarfssamning Grindavíkurbæjar við aðalstjórn UMFG sem gildir til 31.12.2018 og leysir eldri samninga af hólmi. Búið er að sameina þrjá mismunandi samninga við UMFG í einn og bæta við afnotum af nýju íþróttamannvirki. Sviðsstjóri og fulltrúar frístunda- og menningarnefndar hafa fundað tvisvar með fulltrúum UMFG og viðræðurnar gengið vel og UMFG samþykkt samninginn fyrir sitt leiti. Nefndin fagnar þessum tímamótasamningi en í honum felst m.a. samstarf um:

1. Öflugt íþrótta-, forvarna- og tómstundastarf fyrir börn og ungmenni á aldrinum 6 -16 ára.

2. Öflugt afreksstarf fyrir 16 ára og eldri.

3. Styrkja starf aðalstjórnar UMFG m.a. með ráðningu íþróttafulltrúa í hlutastarf.

4. Efla félagsaðstöðu UMFG.

Nefndin samþykkir umsóknina í samræmi við vinnureglur íþrótta- og afrekssjóðs.

Í samræmi við 4. grein vinnureglna íþrótta- og afrekssjóðs samþykkir nefndin umsóknina.

Nefndin samþykkir umsóknina í samræmi við vinnureglur íþrótta- og afrekssjóðs.

Nefndin samþykkir umsóknina í samræmi við vinnureglur íþrótta- og afrekssjóðs.

Kynnt útboðsgögn á útisvæði við nýja íþróttmannvirkið.

Sviðsstjóri fór yfir stöðuna varðandi tillögu nefndar um frekari uppbyggingu íþróttamannvirkja í Grindavík. Bæjarráð hefur vísað verkefninu til fjárhagsáætlunargerðar 2016-2019.

Minja- og sögufélagið óskar eftir því að taka að sér umsjón á Gestahús þar sem síðast var verslunin Blómakot, til að setja upp sýningu á gömlum munum úr Grindavík en félagið á um 1200 slíka. Nefndin tekur jákvætt í erindið og vísar því til afgreiðslu í bæjarráði.

Farið yfir niðurstöður kannanna Rannsóknar og Greiningu fyrir árið 2015 um vímuefnanotkun nemenda í 8. - 10. bekk. Ítarlegir spurningalistar eru lagðir fyrir nemendur. Svarhlutfall nemenda var 84%. Frístunda- og menningarnefnd fagnar þeim árangri sem er að nást í forvarnarmálum gagnvart vímuefnaneyslu nemenda en hvetur foreldra og forráðamenn til að halda vöku sinni í þessum efnum og styðja vel við bakið á ungmennum sínum í þá veru að koma í veg fyrir eða seinka neyslu eins og hægt er.

Sviðsstjóri lagði fram minnisblað um stefnumótun frístundastarfs á vegum Grindavíkurbæjar 2015-2020 sem unnið hefur verið að síðastliðna 12 mánuði. Nefndin er ánægð með samráðsferlið og samþykkir stefnumótunina eins og hún liggur fyrir og vísar til bæjarráðs og bæjarstjórnar til staðfestingar.

Sviðsstjóri kynnti framgang verkefna Ungmennaráðs sem ákveðið var að veita fjármagni til á 40 ára afmælisfundi bæjarstjórnar Grindavíkurbæjar.

Málinu frestað.

Ekki er hægt að verða við erindinu þar sem búið er að ráðstafa útistofunum í sumar.

Fundargerðin lögð fram.