Frístunda- og menningarnefnd - 87. fundur

Drög að samstarfssamningi við aðalastjórn UMFG 2020-2021 lögð fram með athugasemdum aðalstjórnar UMFG. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.

B-lið UMFG í meistarflokki kvenna í körfuknattleik óskar eftir styrk til þátttöku í íslandsmóti. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.

Þarfagreining vegna framtíðaruppbyggingar sundlaugarsvæðis í Grindavík lögð fram. Frístunda- og menningarnefnd lýsir ánægju sinni með greininguna og leggur til við bæjarráð að skipuð verði bygginganefnd til þess að fylgja eftir tillögunum sem fram koma í skýrslunni.

Frístunda- og menningarnefnd staðfestir eftirfarandi úthlutanir úr Íþrótta- og afrekssjóði:

Alex Máni Pétursson: 30.000 kr.

Alexander Veigar Þorvaldsson: 30.000 kr.

Jóhann Dagur Bjarnason: 50.000 kr.

Tómas Breki Bjarnason: 30.000 kr.

Uppfærð drög að samstarfssamningi við Pílufélag Grindavíkur 2020-2021 lögð fram. Frístunda- og menningarnefnd samþykkir samninginn fyrir sitt leyti og vísar honum til afgreiðslu í bæjarráði.

Rætt um samstarfssamning við Slysavarnardeildina Þórkötlu. Frístunda- og menningarnefnd felur sviðsstjóra frístunda- og menningarsviðs að vinna áfram í málinu.

Tendrað verður á jólatré Grindavíkurbæjar fyrir framan Íþróttamiðstöðina 29. nóvember, jólaball Grindavíkur fer fram í Gjánni 27. desember og þrettándagleði í og við Kvikuna 6. janúar. Ekki verður ármaótabrenna á vegum Grindavíkurbæjar líkt og undanfarin ár.

Lögð fram hugmynd að gönguleið um sjávartengdar minjar í Grindavík ásamt tillögu Landmótunar um bætt aðgengi gangandi að hafnarsvæðinu. Frístunda- og menningarnefnd lýsir yfir ánægju með fyrstu drög að gönguleiðinni. Nefndin leggur áherslu á að Kvikan verði anddyrri hafnarinnar og gætt verði að góðri tengingu við Sjómannagarðinn.

Rætt um reglur um tilnefningu bæjarlistamanns Grindavíkurbæjar og reglur um menningarverðlaun Grindavíkur. Frístunda- og menningarnefnd felur sviðsstjóra frístunda- og menningarsviðs að leggja fram tillögu að verklagsreglum vegna afhendingar menningarviðurkenninga Grindavíkurbæjar.