Frístunda- og menningarnefnd - 39. fundur

Sviðsstjóri lagði fram ítarlega starfsáætlun fyrir árið 2015 ásamt dagatali. Hún verður jafnframt aðgengileg á heimasíðu bæjarins.

Uppfærð stefnumótun lögð fram. Stýrihópur á vegum frístunda- og menningarnefndar hefur nú lokið við að kynna drög að stefnumótun í íþróttamálum fyrir aðalstjórnum UMFG, GG og Brimfaxa. Jafnframt var óskað eftir formlegri umsögn aðalstjórnanna um íþróttastefnuna í síðasta lagi 16. desember sl. Ein umsögn barst, frá knattspyrnudeild UMFG. Stýrihópurinn hefur uppfært stefnumótunina með tilliti til ábendinga knattspyrnudeildar auk þess að breyta uppsetningunni. Nefndin samþykkir stefnumótunina og vísar til bæjarráðs.

Í samræmi við stefnumótunarvinnu er eitt af markmiðum að samræma og einfalda samningagerð við íþróttahreyfinguna. Undanfarin ár hafa þrír aðskildir samningar verið í gildi við UMFG; um barna- og unglingastarf, um afreksstarf og um starfsemi aðalstjórnar UMFG. Við þetta bætist að þar sem UMFG flytur inn í nýtt íþróttamannvirki á næstunni og fær þar skrifstofu- og félagsaðstöðu ásamt Kvenfélagi Grindavíkur, þarf að gera samning um afnot af byggingunni. Nú hafa allir samningarnir verið settir saman í einn heildar samstarfssamning við UMFG og liggja fyrstu drög hans fyrir. Nefndin samþykkir þessa útfærslu og felur sviðsstjóra og formanni að kynna nánar fyrir bæjarráði.

Í kjölfar um umræðna á síðasta fundi leggur sviðsstjóri til eftirfarandi breytingar á reglugerð kjörsins:

Inn í 6. grein bætist við eftirfarandi:

”Eftir að deildir/íþróttafélög hafa sent inn greinargerðir með tilnefningum sínum, skal sviðsstjóri frístunda- og menningarsviðs boða kynningarfund með valnefnd, áður en hún kýs. Þar geta fulltrúa þeirra deilda/íþróttafélaga sem tilnefna,komið og kynnt nánar afrek þeirra sem eru tilnefndir í kjörinu. Sviðsstjóri skal boða fulltrúa deilda/íþróttafélaga á fundinn.“

Í lok 9. greinar bætist við eftirfarandi málsgrein:

”Verðlaunin skulu veitt þeim íþróttamanni sem er áhugasamur, með góða ástundun, sýnir góða hegðun innan vallar sem utan, góður félagi og telst vera góð fyrirmynd annarra unglinga.

Lágmarksaldur hvatningarverðlauna er 7. bekkur, hámarksaldur er 10. bekkur.“

Tillögurnar eru samþykktar.

Fundargerðin lögð fram.

Vinabærinn Piteå býður liði frá Grindavík á knattspyrnumót næsta sumar, líkt og fyrir tveimur árum. Innifalið eru þátttökugjöld, allt uppihald á staðnum, gisting og lestarferðir til og frá Stokkhólmi. Erindið verður sent knattspyrnudeild UMFG og hvetur nefndin deildina til að þiggja þetta góða boð og senda flokk þangað í sumar.

Nefndin hafnar erindinu.

Ársskýrsla og ársreikningar GG lagðir fram.

Þjónustukönnunin lögð fram. Almenn ánægja ríkir með þjónustu sveitarfélagsins þegar kemur að frístunda- og menningarmálum.

Fundargerðin lögð fram.

Fundargerðin lögð fram.