Frístunda- og menningarnefnd - 57. fundur

Björg Erlingsdóttir hefur verið ráðin nýr sviðsstjóri frístunda- og menningarsviðs. Hún tekur formlega til starfa 1. desember. Frístunda- og menningarnefnd býður hana velkomna til starfa.

Endurskoðuð fjárhagsáætlun frístunda- og menningarsviðs 2017 lögð fram. Nefndin samþykkir áætlunina.

Ýmsar hugmyndir ræddar um Menningarvikuna 2017 sem fram fer 11.-19. mars n.k. Almennur undirbúnings- og kynningarfundur verður haldinn í desember.

Erindi frá fimleikadeildinni um styrk frá Grindavíkurbæ til þess að greiða æfingagjöld fyrir iðkendur fimleikadeildarinnar í húsnæði Fimleikaakademíu Keflavíkur. Nefndin hafnar erindinu.

Kynning á verkefninu Heilsueflandi samfélag sem er á vegum Embættis landlæknis. Heilsueflandi samfélag miðar að því að þróa samfélagslegan ramma utan um markvissa og heildræna heilsueflingu allra aldurshópa. Í þeim tilgangi eru lagðir til grundvallar fjórir áhrifaþættir heilbrigðis sem unnið er með, það er næring, hreyfing, geðrækt og lífsgæði. Nefndin samþykkir að Grindavíkurbær sæki um aðild og verði heilsueflandi samfélag og að forvarnarteymi Grindavíkurbæjar verði stýrihópur verkefnisins.

Drög að verkefnisáætlun lögð fram.

Í framhaldi af þjónustukönnun UMFG í haust um barna- og unglingastarf var boðað til opins fundar þar sem niðurstöðurnar voru kynntar og umræður voru á borðum um hvernig bæta mætti samstarf innan UMFG. Farið yfir helstu niðurstöður af fundinum. Stjórn UMFG falið að fylgja þeim eftir í samráði við sviðsstjóra.

Lögð fram verkefnisáætlun fyrir kjör íþróttamanns og íþróttakonu ársins 2016. Hátíðin fer fram að vanda á gamlársdag í Gjánni.

Fundargerðin lögð fram.

Fundargerðin lögð fram.