Frístunda- og menningarnefnd - 77. fundur

Verklagsreglur vegna kjörs á íþróttamanni og íþróttakonu Grindavíkur. Viðurkenningar fyrir íþróttamann og íþróttakonu ársins 2018 verða veittar í Gjánni 31. desember nk. Tilnefningar skulu hafa borist sviðsstjóra frístunda- og menningarsviðs Grindavíkur fyrir 15. desember. Valnefnd mun funda þriðjudaginn 18. desember.

Fjárhagsáæltun fyrir frístunda- og menningarsvið vegna ársins 2019 lögð fram til kynningar.

Kveikt verður á jólatré fyrir framan Íþróttamiðstöðina laugardaginn 1. desember. Grindvíkingar eru hvattir til að fjölmenna.

Rætt um fyrirkomulag hátíðahalda vegna þrettándans 2019.

Lagðar fram tvær hugmyndir að útsýnispalli við Kvíabryggju. Frístunda- og menningarnefnd hugnast frekar sú tillaga að samnýta svið og útsýnispall við Kvikuna. Mikilvægt er að hönnun taki mið af því umhverfi sem fyrir er á svæðinu. Nefndin óskar eftir því að fylgjast með framvindu málsins.

Lagt fram minnisblað um gönguleið um sjávartengdar minjar í Grindavík. Sviðsstjóra frístunda- og menningarsviðs falið að sækja um styrk í Uppbyggingarsjóð Suðurnesja til að þróa hugmyndina á árinu 2019.

Lagt er til að Þórkötlustaðahverfi verði verndarsvæði í byggð samkvæmt lögum nr. 87/2015. Drög að verndaráætlun lögð fram. Frístunda- og menningarnefnd fagnar ítarlegri skýrslu og leggur til við bæjarstjórn að áætlunin verði samþykkt.