Frístunda- og menningarnefnd - 24. fundur

Bæjarráð vísar tillögu að siðreglum til umfjöllunar í nefndum bæjarins. Frístunda- og menningarnefnd fagnar framkomnum siðareglum og hefur engar athugasemdir.

Nefndin gerir eftirfarandi athugasemdir við kaflann um frístunda- og menningarsvið:

1) Bæta þarf við upptalningu á lögum sem nefndin vinnur eftir sbr. æskulýðslög nr. 70/2007

2) Varðandi ungmennaráð þá leggur nefndin til eftirfarandi texta: Frístunda- og menningarnefnd sér til þess að ungmennaráð sé starfandi samkvæmt samþykktum þar af lútandi.

Sviðsstjóri frístunda- og menningarsviðs kynnti stöðu mála á vinnu við gerð menningarstefnu. Boðað verður til opins fundar um menningarmál þriðjudaginn 10. september kl. 17:00. Verður fundurinn haldinn í Hópsskóla. Nefndin hvetur alla áhugasama aðila um menningarmál að fjölmenna á fundinn.

Nefndin þakkar sviðsstjóra frístunda- og menningarsviðs og umsjónarmanni opinna svæða greinargóða skýrslu.

Sviðsstjóri frístunda- og menningarsviðs fór yfir tímaramma fjárhagsáætlunar og hvatti nefndarmenn til að huga vel að nýjum og ferskum hugmyndum fyrir komandi ár. Nefndin vekur athygli á því að Grindavíkurbær á 40 ára kaupstaðarafmæli á næsta ári og leggur til að sett verði fjármagn í sérstaka afmælishátíð.

Framhald umræðu frá síðasta fundi. Nefndin felur formanni nefndarinnar, formanni UMFG og sviðsstjóra að afla gagna út frá umræðu á fundinum. Til skoðunar er afreksstarf íþróttahreyfingarinnar, kostnaður við 16 - 18 ára starf og frekari vinna við stefnumótun um íþróttamál í Grindavík.

Æfingatöflur íþróttamannvirkja lagðar fram til kynningar.

Kynnt var hugmynd að heilsueflingarverkefni sem felur í sér laugardagsgöngur upp á Þorbjörn. Nefndin hvetur UMFG til að grípa boltann á lofti og setja sig í samband við Kristján Bjarnason hugmyndasmið og hrinda þessu í framkvæmd sem fyrst.