Bæjarstjórn Grindavíkur - 523. fundur

Til máls tók: Hjálmar.

Vegna fjölgunar COVID-19 smita í samfélaginu hefur samgöngu- og sveitarstjórnarráðherra veitt sveitarstjórnum tímabundna heimild til að ákveða að sveitarstjórnarmönnum sé heimilt að taka þátt í fundum sveitarstjórna, nefnda og ráða á vegum sveitarfélaga í gegnum fjarfundabúnað, þrátt fyrir að um annað sé getið í samþykktum þeirra. Heimildin gildir til 31. janúar 2022.

AUGLÝSING um ákvörðun samgöngu- og sveitarstjórnarráðherra til að tryggja starfhæfi sveitarstjórna og auðvelda ákvarðanatöku við stjórn sveitarfélaga, nr. 1273/2021, er lögð fram.

Bæjarstjórn samþykkir samhljóða framlengingu til 31. janúar 2022.

Til máls tóku: Hjálmar og Páll Valur.

Lögð fram til staðfestingar samþykkt bæjarráðs á tillögu félagsmálanefndar um að hefja viðræður við sveitarfélögin á Suðurnesjum um samstarf um umdæmisráð barnaverndar. Jafnframt þá tillögu að sækja um undanþágu frá reglum um lágmarksíbúafjölda að baki barnaverndarþjónustu á grundvelli fagþekkingar.

Bæjarstjórn staðfestir samhljóða afgreiðslu bæjarráðs.

Til máls tók: Hjálmar.

Fyrir liggur að kjósa nýjan aðalmann í almannavarnanefnd Grindavíkur. Tillaga er um að Einar Sveinn Jónsson verði aðalmaður í nefndinni í stað Ásmundar Jónssonar.

Samþykkt samhljóða.

Til máls tók: Hjálmar.

Lóð úthlutuð til A1 húsa ehf. Fyrirvari var settur á lóðarúthlutun um að umsækjandi uppfylli skilyrði reglna Grindavíkurbæjar um lóðarúthlutanir. Skipulagsnefnd vísaði erindinu til fullnaðarafgreiðslu bæjarstjórnar.

A1 hús ehf. uppfylla ekki skilyrði fyrir lóðarveitingu sem koma fram í gr. 3.2.2 í reglum Grindavíkurbæjar um lóðaúthlutun fyrir fjölbýlishúsalóðir.

Bæjarstjórn samþykkir samhljóða að úthluta lóðinni ekki til A1 húsa ehf.

Til máls tók: Hjálmar.

Lóð úthlutuð til Braga Guðmundssonar ehf. Fyrirvari var settur á lóðarúthlutun um að umsækjandi uppfylli skilyrði reglna Grindavíkurbæjar um lóðarúthlutanir. Skipulagsnefnd vísaði erindinu til fullnaðarafgreiðslu bæjarstjórnar.

Bragi Guðmundsson ehf. uppfyllir skilyrði fyrir lóðarveitingu sem koma fram í reglum Grindavíkurbæjar um lóðaúthlutun fyrir fjölbýlishúsalóðir.

Bæjarstjórn samþykkir samhljóða að úthluta lóðinni Spóahlíð 3 til Braga Guðmundssonar. ehf.

Til máls tók: Hjálmar.

Lóð úthlutuð til Grindin ehf. Fyrirvari var settur á lóðarúthlutun um að umsækjandi uppfylli skilyrði reglna Grindavíkurbæjar um lóðarúthlutanir. Skipulagsnefnd vísaði erindinu til fullnaðarafgreiðslu bæjarstjórnar.

Grindin ehf. uppfyllir skilyrði fyrir lóðarveitingu sem koma fram í reglum Grindavíkurbæjar um lóðaúthlutun fyrir fjölbýlishúsalóðir.

Bæjarstjórn samykkir samhljóða að úthluta lóðinni Spóahlíð 5 til Grindarinnar ehf.

Til máls tók: Hjálmar.

Lóð úthlutuð til Grindin ehf. Fyrirvari var settur á lóðarúthlutun um að umsækjandi uppfylli skilyrði reglna Grindavíkurbæjar um lóðarúthlutanir. Skipulagsnefnd vísaði erindinu til fullnaðarafgreiðslu bæjarstjórnar.

Grindin ehf. uppfyllir skilyrði fyrir lóðarveitingu sem koma fram í reglum Grindavíkurbæjar um lóðaúthlutun fyrir fjölbýlishúsalóðir.

Bæjarstjórn samþykkir samhljóða að úthluta lóðinni Spóahlíð 9 til Grindarinnar ehf.

Til máls tók: Hjálmar.

Fundur afgreiðslunefndar byggingarmála fór fram 16. desember, þar sem einbýlis-, parhúsa- og raðhúsalóðum var úthlutað. Fjölbýlishúsalóðum var úthlutað á fundi skipulagsnefndar þann 16. desember.

Minnisblað byggingarfulltrúa um niðurstöðu úthlutunar einbýlis-, par- og raðhúsalóðum lagt fram til kynningar. Alls bárust sveitarfélaginu 422 umsóknir í lóðir í fyrsta áfanga Hlíðarhverfis.

Til máls tók: Hjálmar.

Grenndarkynningu á byggingarleyfisumsókn frá Kristjáni Þór Ásmundssyni vegna stækkunar á bílskúr við Staðarhraun 19 er lokið án athugasemda.

Skipulagsnefnd samþykkir byggingaráformin fyrir sitt leyti á fundi þann 16. desember 2021. Byggingarleyfi er gefið út af byggingarfulltrúa þegar fullnægjandi gögn hafa borist embættinu.

Bæjarstjórn samþykkir samhljóða afgreiðslu skipulaganefndar.

Til máls tók: Hjálmar.

Tillaga að breyttu deiliskipulag við Eyjabakka lögð fram.

Skipulagsnefnd samþykkti tillöguna á fundi nr. 93 þann 16. desember 2021 með eftirfarandi breytingum:

- Skilmálar verði settir um frágang, afskermun og ásýnd á geymslusvæði á landfyllingu við Eyjabakka.

- Byggingarreitir við Bakkalág 17 og Hólmasund 1 nái saman.

- Byggingarreitir verði settir um spennistöðvar.

- Lóðanúmer sett á nýjar lóðir.

Bæjarstjórn samþykkir samhljóða að senda tillögu að breyttu deiliskipulagi við Eyjabakka í auglýsingu í samræmi við 1.mgr. 41.gr. skipulagslaga nr. 123/2010.

Til máls tóku: Hjálmar, Ásrún, Birgitta, Guðmundur, Helga Dís, Páll Valur, bæjarstjóri og Hallfríður.

Fundargerð 903. fundar stjórnar Sambands íslenskra sveitarfélaga, dags. 26. nóvember 2021 er lögð fram til kynningar.

Til máls tóku: Hjálmar, Páll Valur, Helga Dís og Hallfríður.

Fundargerð 904. fundar stjórnar Sambands íslenskra sveitarfélaga, dags. 10. desember 2021 er lögð fram til kynningar.

Til máls tóku: Hjálmar, Hallfríður, bæjarstjóri, Guðmundur, Páll Valur, sviðsstjóri fjármála- og stjórnsýslusviðs, Helga Dís, Birgitta og Ásrún.

Fundargerðin er lögð fram til kynningar.

Til máls tóku: Hjálmar, Páll Valur, Guðmundur, Helga Dís, Hallfríður, Birgitta og bæjarstjóri.

Fundargerðin er lögð fram til kynningar.

Til máls tóku: Hjálmar, Ásrún, Guðmundur, Birgitta, Helga Dís, bæjarstjóri, Hallfríður og Páll Valur.

Fundargerðin er lögð fram til kynningar.

Til máls tóku: Hjálmar, Helga Dís, Birgitta, Hallfríður og Páll Valur.

Fundargerðin er lögð fram til kynningar.

Til máls tóku: Hjálmar, Hallfríður, Guðmundur, bæjarstjóri, Birgitta, Ásrún og sviðsstjóri fjármála- og stjórnsýslusviðs.

Fundargerðin er lögð fram til kynningar.