Bæjarstjórn Grindavíkur - 597. fundur

Til máls tók: Hjálmar.

Fundargerðir kjörstjórnar vegna sveitarstjórnarkosninga þann 16. maí síðastliðinn lagðar fram til kynningar.

Á kjörskrá voru 1.117 einstaklingar, atkvæði greiddu 842, auðir seðlar voru 4 og 1 seðill var ógildur. Kjörsókn var 75,4%. Niðurstöður kosninganna voru eftirfarandi: B-listi 367 atkvæði, eða 43,9% og 3 menn kjörna. D-listi 351 atkvæði, eða 41,9% og 3 menn kjörna. M-listi 119 atkvæði, eða 14,2% og 1 mann kjörinn.

Til máls tóku: Hjálmar, Ásrún, Guðbjörg og Magnús Már.

Samfélagssáttmáli bæjarstjórnar Grindavíkurbæjar, B-, D- og M-lista er lagður fram til kynningar:

Samfélagssáttmáli um framtíð Grindavíkur

Sameiginlegt markmið bæjarstjórnar er að endurreisa örugga, líflega og samheldna Grindavík. Til þess að svo megi verða þurfa Grindvíkingar að hafa raunhæft val um að snúa heim og byggja framtíð sína.

Endurreisnin mun byggja á skýrum gildum sem leiða samstarf og ákvarðanir á komandi kjörtímabili. Þau gildi eru samstaða, öryggi, traust, virðing og seigla. Með þessi gildi að leiðarljósi verður unnið að uppbyggingu samfélagsins með umhyggju fyrir fólkinu, virðingu fyrir reynslu þess og trú á framtíð Grindavíkur.

Sáttmálinn byggir á fimm meginstoðum sem munu leiða uppbyggingu og endurreisn Grindavíkur á komandi kjörtímabili.

1. Öruggt samfélag

2. Heimili og heimkoma

3. Þjónusta og atvinnulíf

4. Félagsauður og velferð

5. Skipulag, ásýnd og sérstaða Grindavíkur

Öruggt samfélag

Öryggi Grindvíkinga verður ávallt í fyrsta sæti. Endurreisn samfélagsins byggir á því að íbúar búi við eins mikið öryggi og fyrirsjáanleika og unnt er og hafi aðgang að skýrum upplýsingum um þá þætti sem snerta daglegt líf þeirra og framtíð í Grindavík.

Lögð verður áhersla á:

- að bæjarfélagið ásamt Almannavarnanefnd Grindavíkur hafi virka og formlega aðkomu að vinnu við áhættumat fyrir Grindavík í nánu samstarfi við almannavarnayfirvöld, viðbragðsaðila og aðra sem að málaflokknum koma

- að staðbundin þekking og reynsla viðbragðsaðila og íbúa í Grindavík verði nýtt með markvissum hætti við mat á aðstæðum, viðbúnaði og ákvörðunum um öryggismál

- að tryggja skýra upplýsingagjöf og reglulegt endurmat á aðstæðum þannig að íbúar búi við eins mikið öryggi og fyrirsjáanleika og kostur er

Markmiðið er að tryggja öryggi Grindvíkinga á traustum grunni um leið og virðing er borin fyrir reynslu íbúa, þekkingu þeirra á eigin samfélagi og rétti fólks til að lifa eðlilegu og virku daglegu lífi í Grindavík.

Heimili og heimkoma

Heimili eru grunnur samfélagsins. Forsenda farsællar endurreisnar Grindavíkur er að þeir Grindvíkingar sem þess óska hafi raunhæfa leið til að snúa aftur heim og byggja upp líf sitt á ný í heimabyggð.

Óvissa um framtíð fasteigna í bænum hefur áhrif á fjölskyldur, einstaklinga og getu fólks til að taka ákvarðanir um eigið líf. Nauðsynlegt er að skapa meiri fyrirsjáanleika um næstu skref svo Grindvíkingar geti skipulagt framtíð sína með skýrari hætti.

Lögð verður áhersla á:

- að kalla eftir skýrum svörum um framtíð fasteigna í Grindavík og hvaða leiðir standi íbúum til boða

- að Grindvíkingar fái raunhæft val í húsnæðismálum þar sem boðnar verði fleiri en ein leið til að snúa aftur heim svo sem kaup, leiga eða önnur viðeigandi úrræði

- að skapa skýrari tímalínu og aukinn fyrirsjáanleika um heimkomu íbúa þannig að fólk geti tekið upplýstar ákvarðanir um búsetu sína og framtíð

- að tryggja að húsnæðisuppbygging og meðferð fasteigna styðji við endurkomu íbúa og verði virkur þáttur í endurreisn samfélagsins

Markmiðið er skýrt að þeir Grindvíkingar sem vilja snúa aftur heim skulu eiga raunhæfan, sanngjarnan og skýran möguleika til þess. Endurreisn samfélagsins verður unnin með fólkinu sem á rætur sínar í Grindavík.

Þjónusta og atvinnulíf

Öflug þjónusta og sterkt atvinnulíf eru grunnforsendur þess að samfélagið geti dafnað á ný. Endurreisn Grindavíkur byggir á því að íbúar hafi aðgang að góðri þjónustu og að fyrirtæki í bænum búi við skilyrði sem styðja við áframhaldandi rekstur, uppbyggingu og framtíðarsókn.

Mikilvægt er að skapa aðstæður þar sem bæði samfélag og atvinnulíf geta vaxið og þróast í takt við þarfir bæjarins.

Lögð verður áhersla á:

- að standa með atvinnulífinu í Grindavík og styðja við fyrirtæki, atvinnusköpun og áframhaldandi uppbyggingu bæjarins

- að efla innviði og rekstrarskilyrði meðal annars með áherslu á betra raforkuöryggi, öfluga grunninnviði og skýra framtíðarsýn fyrir þróun atvinnusvæða

- að efla þjónustu við íbúa og bæta aðgengi að upplýsingum með skýrri upplýsingagjöf og auknu upplýsingaflæði

- að skapa vettvang fyrir íbúa og atvinnulíf til virkrar þátttöku í endurreisn Grindavíkur, þannig að uppbyggingin verði unnin í nánu samstarfi við samfélagið

Markmiðið er að skapa samfélag þar sem þjónusta, atvinnulíf og þátttaka íbúa styðja hvert annað og leggja grunn að öflugri Grindavík til framtíðar.

Félagsauður og velferð

Félagsauður Grindavíkur er einn af sterkustu hornsteinum samfélagsins. Endurreisn bæjarins snýst meðal annars um fólkið sjálft, tengsl þess, líðan og þátttöku í samfélaginu.

Mikilvægt er að hlúa að þeim félagslegu stoðum sem halda samfélaginu saman og tryggja að Grindavík verði áfram samfélag þar sem fólk upplifir að það tilheyri, finnur fyrir öryggi og stuðning á öllum stigum lífsins.

Lögð verður áhersla á:

- að tryggja áframhaldandi aðgengi að ráðgjöf, félagslegum stuðningi og sálrænum úrræðum fyrir einstaklinga og fjölskyldur. Ljóst er að afleiðingar hamfaranna kalla á áframhaldandi aðkomu ríkisins og mikilvægt er að sálfélagslegur stuðningur verði tryggður til lengri tíma án þess að kostnaður eða ábyrgð falli á einstaklinga eða sveitarfélagið eitt

- að styðja áfram við öflugt íþrótta-, æskulýðs- og félagsstarf sem styrkir samfélagið, eykur þátttöku og skapar mikilvægan vettvang fyrir alla aldurshópa

- að byggja upp skólastarf og skapa börnum og fjölskyldum stöðugt, öruggt og uppbyggilegt umhverfi þar sem nám, velferð og félagsleg tengsl fá að vaxa og dafna

- að byggja upp opna og aðgengilega félagsþjónustu fyrir íbúa á öllum aldri með áherslu á stuðning og ráðgjöf fagfólks til að efla seiglu, öryggi og lífsgæði hvers og eins

Markmiðið er að styrkja áfram þann félagsauð og þá samheldni sem hefur borið samfélagið áfram og verður áfram grunnur að framtíð Grindavíkur.

Skipulag, ásýnd og sérstaða Grindavíkur

Endurreisn Grindavíkur kallar á heildstæða sýn á skipulagi bæjarins, uppbyggingu og umhverfi. Skipulagsmál verða mikilvægur grunnur í mótun öruggs og framsækins samfélags þar sem tekið er mið af breyttum aðstæðum, þörfum og sérstöðu bæjarins.

Lögð verður áhersla á:

- að endurskoða aðalskipulag Grindavíkur með hliðsjón af nýjum forsendum, breyttum aðstæðum og skýrri framtíðarsýn fyrir samfélagið

- að unnið verði markvisst að frágangi og ásýnd þeirra svæða þar sem niðurrif, lagfæringar og breytingar hafa átt sér stað með áherslu á öryggi, umhverfi og bæjarmynd

- að varðveita sögu, sérkenni og staðaranda Grindavíkur í skipulagi og uppbyggingu, þannig að þróun bæjarins byggi á sérstöðu hans og þeim grunni sem samfélagið á rætur í

Markmiðið er að byggja upp Grindavík með virðingu fyrir sögunni, skýrri sýn um framtíðina og áherslu á að sérstaða bæjarins fái áfram að móta ásýnd hans og þróun.

Forgangsverkefni fyrstu 6 mánaða

- Ráðning bæjarstjóra og styrking stjórnsýslu

- Húsnæðismál

- Aukning í grunnþjónustu

- Reglulegt samráð við íbúa og hagaðila

- Áframhaldandi vinna að öryggis- og viðbragðsáætlunum

- Félagslegar og sálfélagslegar þarfir samfélagsins

Skipting embætta og formennsku á kjörtímabilinu verður með eftirfarandi hætti:

Forseti bæjarstjórnar

- B-listi fer með embætti forseta bæjarstjórnar fyrri hluta kjörtímabilsins.

- D-listi fer með embættið síðari hluta kjörtímabilsins.

Formaður bæjarráðs

- D-listi fer með formennsku í bæjarráði fyrri hluta kjörtímabilsins.

- B-listi fer með formennskuna síðari hluta kjörtímabilsins.

Formennska í nefndum

- Formaður innviðanefndar verður tilnefndur af D-lista.

- Formaður samfélagsnefndar verður tilnefndur af B-lista.

Til framtíðar

Framundan eru stór og krefjandi verkefni. Með samstöðu, ábyrgð og seiglu munum við vinna að því að byggja upp enn sterkari Grindavík. Við trúum á framtíð Grindavíkur og ætlum að vinna í nánu samstarfi við samfélagið allt.

Grindavík á sér framtíð og hana byggjum við saman.

Til máls tók: Hjálmar.

Hjálmar leggur fram eftirfarandi tillögu:

Til eins árs:

Forseti bæjarstjórnar verður Ásrún Helga Kristinsdóttir (B)

1. varaforseti verður Guðbjörg Eyjólfsdóttir (D)

2. varaforseti verður Inga Fanney Rúnarsdóttir (B)

Samþykkt samhljóða.

Nýkjörinn forseti tekur við fundarstjórn.

Til máls tóku: Ásrún og sviðsstjóri fjármála- og stjórnsýslusviðs.

Bæjarstjórn samþykkir samhljóða að gera viðaukasamning við bæjarstjóra sem gildir til allt að 15. ágúst nk. og felur sviðsstjóra fjármála- og stjórnsýslusviðs að ganga frá þeim samningi.

Til máls tóku: Ásrún, sviðsstjóri fjármála- og stjórnsýslusviðs, Hjálmar, Ómar og Magnús Már.

Bæjarstjórn samþykkir samhljóða að auglýsa stöðu bæjarstjóra lausa til umsóknar og samþykkir samhljóða að taka tilboði Hagvangs í umsjón með ráðningunni.

Til máls tók: Ásrún.

Tillaga um aðal- og varamenn í bæjarráð til eins árs:

Aðalmenn:

Guðbjörg Eyjólfsdóttir, formaður (D)

Ásrún Helga Kristinsdóttir, varaformaður (B)

Magnús Már Jakobsson (M)

Varamenn:

Hjálmar Hallgrímsson (D)

Þorleifur Ólafsson (B)

Björn Steinar Brynjólfsson (M)

Samþykkt samhljóða.

Til máls tóku: Ásrún, Magnús Már, bæjarstjóri, Hjálmar, Inga Fanney og Ómar.

Forseti leggur til eftirfarandi nefndarskipan:

Yfirkjörstjórn

Aðalmenn

Kjartan Fr. Adolfsson, formaður (D)

Arna Björg Rúnarsdóttir, varaformaður (B)

Dóróthea Jónsdóttir (M)

Varamenn

Soffía Snædís Sveinsdóttir (D)

Jenný Geirdal Kjartansdóttir (B)

Eydís Ármannsdóttir (M)

Samfélagsnefnd

Aðalmenn

Valgerður Jennýjardóttir, formaður (B)

Valgerður Ágústsdóttir, varaformaður (B)

Eva Lind Matthíasdóttir (D)

Jón Breki Einarsson (D)

Björn Steinar Brynjólfsson (M)

Varamenn

Inga Fanney Rúnarsdóttir (B)

Helgi Gylfason (B)

Natalía Gunnarsdóttir (D)

Ólöf Rún Óladóttir (D)

Aníta Sif Kristjánsdóttir (M)



Innviðanefnd

Aðalmenn

Guðmundur L. Pálsson, formaður (D)

Ómar Davíð Ólafsson, varaformaður (D)

Þorleifur Ólafsson (B)

Benedikt Steingrímsson (B)

Gunnar Már Gunnarsson (M)

Varamenn

Dagmar Valsdóttir (D)

Otti Rafn Sigmarsson (D)

Inga Fanney Rúnarsdóttir (B)

Bergur Hinriksson (B)

Páll Gíslason (M)

Almannavarnanefnd Grindavíkurbæjar hefur verið skipuð á eftirfarandi hátt:

Bæjarstjóri

Lögreglustjórinn á Suðurnesjum

Fulltrúi frá Rauða krossinum

Viðbragsaðili frá björgunarsveit

Fulltrúi lögreglunnar

Slökkviliðsstjóri

Sviðsstjóri innviðasviðs

Tillaga bæjarstjórnar að fela bæjarstjóra að vinna málið áfram og hafa samband við aðila.



Fjallskilanefnd.

Aðalmenn

Ómar Davíð Ólafsson (D)

Hrannar Elí Pálsson(B)

Þorleifur Ólafsson (B)

Varamenn

Guðbjörg Eyjólfsdóttir (D)

Ásrún Helga Kristinsdóttir (B)

Dagmar Valsdóttir (D)

Bæjarstjórn samþykkir ofangreinda nefndarskipan samhljóða.

Til máls tóku: Ásrún, Guðjón og Inga Fanney.

Forseti leggur til eftirfarandi skipan í stjórnir og samstarfsráð

Samband sveitarfélaga á Suðurnesjum (SSS)

Guðbjörg Eyjólfsdóttir, aðalmaður (D)

Ólöf Rún Óladóttir, varamaður (D)

Samstarfsnefnd um svæðisskipulag Suðurnesja

Aðalmenn

Guðmundur L. Pálsson (D)

Benedikt Steingrímsson (B)

Varamenn

Hjálmar Hallgrímsson (D)

Þorleifur Ólafsson (B)

Heilbrigðisnefnd Suðurnesja (HES)

Magnús Már Jakobsson, aðalmaður (M)

Guðbjörg Eyjólfsdóttir, varamaður(D)

Stjórn Kölku sorpeyðingarstöðvar

Ásrún Helga Kristinsdóttir, aðalmaður (B)

Þorleifur Ólafsson, varamaður (B)

Stjórn atvinnuþróunarfélagsins Heklunnar

Bæjarstjóri, aðalmaður

Staðgengill bæjarstjóra, varamaður

Stjórn Reykjanesjarðvangs

Bæjarstjóri, aðalmaður

Staðgengill bæjarstjóra, varamaður

Fundarhlé tekið kl. 14:50 - 15:05

Bæjarstjórn samþykkir ofangreinda nefndarskipan samhljóða.

Til máls tók: Ásrún.

Landsþing sambandsins fer fram á Akureyri 23.-25. september 2026.

Grindavíkurbær kýs 1 fulltrúa á Landsþingið.

Til máls tók: Ásrún.

Lagt fram bréf frá EBÍ, dags. 2. apríl 2025 varðandi breytingar á samþykktum félagsins.

Aðal breytingin sem lýtur að aðildarsveitarfélögum EBÍ er að nú eiga öll aðildarsveitarfélög EBÍ að kjósa í fulltrúaráð félagsins að loknum sveitarstjórnarkosningum.

Til máls tók: Ásrún.

Landsþing sambands íslenskra sveitarfélaga

Ásrún Helga Kristinsdóttir, aðalmaður (B)

Guðbjörg Eyjólfsdóttir, varamaður (D)

Eignarhaldsfélagið Brunabótafélags Íslands

Bæjarstjóri, aðalmaður

Staðgengill bæjarstjóra, varamaður

Bæjarstjórn samþykkir ofangreint samhljóða.

Til máls tóku: Ásrún og sviðsstjóri fjármála- og stjórnsýslusviðs.

Lögð fram Samþykkt um starfskjör kjörinna fulltrúa hjá Grindavíkurbæ.

Bæjarstjórn samþykkir samhljóða að hafa kjörin óbreytt út árið 2026.

Gestir fundarins undir þessum dagskrárlið: Sviðsstjóri félagsþjónustu- og fræðslusviðs og skólastjóri leik- og grunnskóla.

Til máls tóku: Ásrún, sviðsstjóri félagsþjónustu- og fræðslusviðs, Guðjón, Þorleifur, Guðbjörg og Inga Fanney.

Tillaga

Bæjarstjórn felur bæjarstjóra að bjóða fulltrúum mennta- og barnamálaráðuneytisins til Grindavíkur til að kynna sér aðstöðu til skólahalds í bænum og aðgerðir til að tryggja öryggi.

Jafnframt felur bæjarstjórn sviðsstjóra félagsþjónustu- og fræðslusviðs að undirbúa svar við spurningum ráðuneytisins en í ljósi umfangs erindisins og að undirbúningur skólahalds stendur enn yfir er óskað eftir fresti til 1. ágúst nk.

Tillagan er samþykkt samhljóða.

Til máls tóku: Ásrún og bæjarstjóri.

Bæjarstjórn tilnefnir eftirfarandi í starfshóp sem efla á sýnileika Jarðvangsins og styrkja fræðslu- og upplýsingahlutverk hans til framtíðar:

Eggert Sólberg Jónsson, sviðsstjóri frístunda- og menningarsviðs,

Fannar Jónasson, bæjarstjóri,

Ásrún Helga Kristinsdóttir, forseti bæjarstjórnar.

Samþykkt samhljóða

Til máls tók: Ásrún.

Lagðar fram til kynningar tvær skýrslur sem Grindavíkurnefnd hefur látið vinna. Annars vegar "Þjónustuteymi Grindavíkurnefndar - Samþætt þjónusta í kjölfar rýmingar júní 2024 til desember 2025". Hins vegar "Líðan barna frá Grindavík í kjölfar rýmingar - Greining á niðurstöðum íslensku æskulýðsrannsóknarinnar 2023 og 2025".

Til máls tóku: Ásrún og Guðbjörg.

Lögð fram til kynningar samantekt frá vinnustofu Járngerðar sem haldin var í apríl sl. undir yfirskriftinni Höldum til hafs á ný.

Til máls tóku: Ásrún og bæjarstjóri.

Lögð fram til kynningar skýrsla, dags. í apríl sl., til Alþingis varðandi stjórnsýsluúttekt Ríkisendurskoðunar á því hvort hagkvæmni og skilvirkni hafi verið gætt við undirbúning og gerð varnargarða á Reykjanesskaga og hvort þeir hafi skilað tilætluðum árangri.

Fulltrúar almannavarnanefndar Grindavíkur voru boðaðir á fund stjórnskipunar- og eftirlitsnefndar Alþingis vegna málsins.

Gestur fundarins undir þessum dagskrárlið: Forstöðumaður þjónustumiðstöðvar.

Til máls tóku: Ásrún, Ómar, Guðbjörg, Magnús Már og Guðjón.

Lagður fram tölvupóstur frá Grindavíkurnefnd um fyrirhugaðar vinnustofur sem koma eiga með tillögur um aðferðafræði og framsetningu áhættumats vegna öryggis fólks í Grindavík. Gert er ráð fyrir að skil á niðurstöðum verði fyrir lok júní.

Gestur fundarins undir þessum dagskrárlið: Forstöðumaður þjónustumiðstöðvar.

Til máls tóku: Ásrún, forstöðumaður þjónustumiðstöðvar Grindavíkurbæjar, Guðbjörg, Ómar og Magnús Már.

Lagt fram minnisblað forstöðumanns þjónustumiðstöðvar Grindavíkurbæjar og slökkviliðsstjóra um áhættumat, rýmingaráætlun og viðbragðsáætlanir vegna jarðhræringa í Grindavík.

Bæjarstjórn þakkar fyrir greinargott minnisblað og tekur í einu og öllu undir niðurstöður þess. Bæjarstjórn telur minnisblaðið vera mikilvægt innlegg í vinnu við endurskoðun á verklagi við gerð áhættumats og leggur bæjarstjórn áherslu á að áhættumat verði grundvallað á hlutlægum og mælanlegum viðmiðum sem byggja á raunverulegum aðstæðum. Aðkoma sveitarfélagins og hagaðila verði tryggð.

Til máls tóku: Ásrún, Hjálmar, sviðsstjóri fjármála- og stjórnsýslusviðs og bæjarstjóri.

Lögð fram drög að húsaleigusamningi Fisktækniskóla Íslands vegna kennslustarfsemi og annarrar skyldrar starfsemi í Hópsskóla.

Bæjarstjóra er falið að útfæra samninginn nánar og leggja fyrir bæjarráð.

Til máls tók: Ásrún.

Með vísan til 8. gr. samþykkta um stjórn Grindavíkurkaupstaðar og fundarsköp bæjarstjórnar leggur forseti til að fundir bæjarstjórnar verði felldir niður í júní og júlí í sumarleyfi bæjarstjórnar.

Jafnframt að bæjarráði verði falin fullnaðarafgreiðsla mála, í samræmi við 33. gr. sömu samþykkta, nema þar sem lög kveða á um annað.

Samþykkt samhljóða.

Til máls tók: Ásrún.

Fundargerðin er lögð fram til kynningar.

Til máls tók: Ásrún.

Fundargerðin er lögð fram til kynningar.

Hjálmar vék af fundi kl. 17:20

Til máls tók: Ásrún.

Fundargerð 998. fundar stjórnar Sambands íslenskra sveitarfélaga dags. 08.05.2026 er lögð fram til kynningar.

Til máls tók: Ásrún.

Fundargerð 823. fundar stjórnar Sambands sveitarfélaga á Suðurnesjum dags. 13.05.2026 er lögð fram til kynningar.

Til máls tók: Ásrún.

Fundargerð 58. fundar Svæðisskipulags Suðurnesja dags. 21.05.2026 er lögð fram til kynningar.

Til máls tók: Ásrún.

Fundargerð 578. fundar Kölku dags. 10.03.2026 er lögð fram til kynningar.

Til máls tók: Ásrún.

Fundargerð 96. fundar Reykjanes jarðvangs dags. 26.05. 2026 er lögð fram til kynningar.

Til máls tók: Ásrún.

Fundargerð 60. fundar Þekkingarseturs Suðurnesja dags. 21.05.2026 er lögð fram til kynningar.

Til máls tók: Ásrún.

Fundargerð 92. fundar stjórnar Samtaka orkusveitarfélaga, dags. 10.04.2026 er lögð fram til kynningar.