Bæjarráð Grindavíkur - 1723. fundur

Gestur fundarins undir þessum dagskrárlið: Sviðsstjóri frístunda- og menningarsviðs.

Lögð fram drög að markaðskönnun sem er undanfari útboðs á rekstri áfangastaðar fyrir ferðamenn í Hópinu. Jafnframt lagt fram minnisblað frá Consensa dags. 7.9.2026 sem útskýrir beitingu markaðskönnunar.

Bæjarráð samþykkir fyrirliggjandi tillögu að markaðskönnun og felur sviðsstjóra frístunda- og menningarsviðs að vinna málið áfram.

Gestur fundarins undir þessum dagskrárlið: Sviðsstjóri frístunda- og menningarsviðs.

Lögð eru fram áform starfshóps um uppbyggingu Végarðs um breytingar á anddyri gamla íþróttahússins vegna fyrirhugaðrar uppsetningar LED-skjás og tilheyrandi búnaðar. Á skjánum er fyrirhugað að sýna heimildarmynd um Grindavík fyrir ferðamenn og aðra gesti.

Innviðanefnd tók áformin fyrir á fundi sínum 21. september sl. og gerði ekki athugasemdir við þau, en óskaði eftir að lögð yrði fram formleg byggingarleyfisumsókn og að sérstaklega yrði hugað að flóttaleiðum.

Innviðanefnd vísaði erindinu til bæjarráðs til umræðu í tengslum við fjármögnun verkefnis.

Bæjarráð felur sviðsstjóra frístunda- og menningarsviðs að vinna málið áfram.

Gestur fundarins undir þessum dagskrárlið: Sviðsstjóri frístunda- og menningarsviðs.

Íþróttastefna UMFG er lögð fram.

Bæjarstjóra og sviðsstjóra frístunda- og menningarsviðs er falið að vinna málið áfram.

Gestur fundarins undir þessum dagskrárlið: Sviðsstjóri frístunda- og menningarsviðs.

Sviðsstjóri frístunda- og menningarsviðs óskar eftir heimild til að fara í heildarendurskoðun á gjaldskrám á frístunda- og menningarsviði.

Bæjarráð samþykkir erindið.

Gestur fundarins undir þessum dagskrárlið: Sviðsstjóri frístunda- og menningarsviðs.

Lögð fram styrkbeiðni vegna samfélagsverkefnisins Úr hrauni í von frá Dagmar Valsdóttur.

Bæjarráð getur ekki orðið við erindinu.

Bæjarráð tekur undir tillögu Sveitarfélagsins Voga um skipan starfshóps til að tryggja samfellda þjónustu við íbúa og fyrirtæki við fyrirhugaðar breytingar á fyrirkomulagi heilbrigðiseftirlits um næstu áramót. Hópurinn meti framtíðarfyrirkomulag verkefnanna, þar á meðal möguleika á stofnun byggðasamlags, ásamt kostnaði, ábyrgðarskiptingu og verkefnum vegna rekstrarskila.

Bæjarráð skipar sviðsstjóra fjármála- og stjórnsýslusviðs í starfshópinn.

Fylgiskjöl

• Re: HES - skipan sameiginlegs starfshóps
• Framtíð verkefna HES 16-9-2026.pdf

Lagðir fram fjórir úrskurðir héraðsdóms Reykjaness sem kveðnir voru upp 30. september sl. um frávísunarkröfu Grindavíkurbæjar í málum sem höfðuð hafa verið gegn sveitarfélaginu. Úrskurðir eru samhljóða í öllum málunum og er frávísunarkröfu Grindavíkurbæjar hafnað. Málin munu því ganga til efnislegrar meðferðar hjá héraðsdómi.

Fylgiskjöl

• Hagfesti- Grindavíkurbær, úrsk.pdf

Aðalfundur Samtaka sjávarútvegssveitarfélaga fer fram á Hilton Reykjavík miðvikudaginn 7. október kl. 13:00-14:30.

Fundargögn eru aðgengileg á vefsíðu samtakanna, www.sjavarutvegssveitarfelog.is, þar má einnig finna skráningarhlekk en nauðsynlegt er að skrá sig á fundinn.

Lögð fram gögn sviðsstjóra og forstöðumanna vegna tillagna til fjárhagsáætlunar ársins 2025.