Bæjarráð Grindavíkur - 1533. fundur

Sviðsstjóri skipulags- og umhverfissviðs og sat fundinn undir þessum dagsskrárlið.

Einnig mætti á fundinn Reynir Sævarsson frá Eflu hf.

Kynntu þeir stöðu frumhönnunar og fyrirhuguð næstu skref varðandi útrásir og hreinsistöð. Ákveða þarf framtíðarstaðsetningu hreinsistöðvar.

Sviðsstjóri frístunda- og menningarsviðs og sviðsstjóri skipulags- og umhverfissviðs sátu fundinn undir þessum dagskrárlið.

Lögð fram frumdrög að skipulagi Hafnargötu til kynningar.

Sviðstjórum falið að vinna málið áfram og leggja útfærðar tillögur fyrir bæjarráð á nýju ári.

Skýringar og athugasemdir sviðsstjóra á frávikum lagðar fram.

Samkeppniseftirlitið hefur til meðferðar samruna Vísis hf. og Þorbjarnar hf. Óskað er eftir umsögn Grindavíkurbæjar vegna málsins.

Grindavíkurbær gerir engar athugasemdir við fyrirhugaðan samruna Vísis hf. og Þorbjarnar hf.

Lagt fram bréf frá Verkalýðsfélagi Grindavíkur, dags. 27. nóvember 2019.

Bæjarráð getur ekki orðið við erindinu.

Eins og fram kemur í þingsályktunartillögunni þá hefur fjölgun landsmanna undanfarin ár hefur verið hlutfallslega mest á Suðurnesjum og langt umfram meðalfólksfjölgun í landinu. Á árinu 2018 fjölgaði íbúum á Suðurnesjum um 5,2% en árið 2017 var fólksfjölgunin um 7,4% árið 2017. Samsetning íbúa á Suðurnesjum er einnig ólík því sem gerist í öðrum landshlutum þar sem fjórðungur íbúa er af erlendu bergi brotinn. Menntunarmöguleikar þurfa að endurspegla þörfina og það fjölbreytta samfélag sem þrífst á Suðurnesjum. Annað atriði sem taka þarf tillit til við skipulag náms á framhaldsskólastigi á svæðinu er hátt hlutfall vaktavinnufólks. Fjölbreyttar námsleiðir og sveigjanlegar kennsluaðferðir verða að vera í boði fyrir þann hóp, bæði fyrir framhaldsmenntun og símenntun.

Í ljósi þessa fagnar bæjarráð Grindavíkur og lýsir yfir ánægju sinni með framkomna þingsályktunartillögu og telur mikilvægt að tillagan verði samþykkt af Alþingi og að skipaður verði starfshópur um framtíðarskipulag náms á framhaldsskólastigi á Suðurnesjum.

Eins tekur bæjarráð Grindavíkur heilshugar undir umsögn frá Sambandi sveitarfélaga á Suðurnesjum.

Mál tekið á dagskrá að beiðni Páls Vals Björnssonar, bæjarfulltrúa.