Bæjarráð Grindavíkur - 1719. fundur

Gestur fundarins undir þessum dagskrárlið: Sviðsstjóri frístunda- og menningarsviðs.

Lagt fram erindi frá knattspyrnudeild UMFG vegna aðstöðu til knattspyrnuiðkunar veturinn 2026-2027.

Bæjarráð samþykkir erindið og felur sviðsstjóra frístunda- og menningarsviðs að útbúa viðaukabeiðni og leggja fyrir bæjarráð.

Gestur fundarins undir þessum dagskrárlið: Sviðsstjóri frístunda- og menningarsviðs.

Lagt fram erindi frá knattspyrnudeild UMFG varðandi gervigras og flóðljós á aðalvöll Grindavíkur.

Bæjarráð vísar til þess að UMFG vinnur nú að umfangsmikilli endurskoðun á samþykktum félagsins og skipulagi starfseminnar í samræmi við gildandi samstarfssamning við Grindavíkurbæ. Við endurskoðunina er meðal annars horft til skipulags íþrótta- og ungmennastarfs, stjórnskipulags, rekstrarforms og fjármögnunar félagsins til framtíðar.

Gert er ráð fyrir að niðurstöður endurskoðunarinnar liggi fyrir eigi síðar en 1. október og verði lagðar til grundvallar við gerð samstarfssamnings Grindavíkurbæjar og UMFG fyrir árið 2027.

Í ljósi þess telur bæjarráð rétt að umræddar framkvæmdir verði teknar til skoðunar samhliða niðurstöðum endurskoðunarinnar og þeirri heildstæðu ákvörðun sem tekin verður um fyrirkomulag og fjármögnun starfsemi UMFG til framtíðar og samhliða þeim aðal- og deiliskipulagsbreytingum sem gera þarf vegna svæðisins í heild.

Gestur fundarins undir þessum dagskrárlið: Sviðsstjóri frístunda- og menningarsviðs.

Óskað er eftir tilnefningum Grindavíkurbæjar í úthlutunarnefnd Uppbyggingarsjóðs Suðurnesja.

Bæjarráð tilnefnir eftirfarandi:

Eva Lind Matthíasdóttir

Siggeir Ævarsson

Gunnar Már Gunnarsson

Lóa Kristín Ólafsdóttir

Gestur fundarins undir þessum dagskrárlið: Sviðsstjóri frístunda- og menningarsviðs.

Grindjánar hafa áhuga á að sækja um að halda landsmót bifhjólafólks í júlí 2027. Óskað er eftir stuðningi frá sveitarfélaginu.

Bæjarráð tekur vel í erindið og vísar því til fjárhagsáætlun ársins 2027.

Sviðsstjóra frístunda- og menningarsviðs er falið að útbúa samning við félagið og leggja fyrir bæjarráð.

Gestur fundarins undir þessum dagskrárlið: Sviðsstjóri frístunda- og menningarsviðs.

Bæjarráð lýsir vonbrigðum sínum yfir því að ekki getur orðið að hlaupinu þetta árið.

Bæjarráð bindur vonir við að sá mikli undirbúningur sem farið hefur fram fyrir hlaupið geti nýst því við framkvæmd á næsta ári.

Gestur fundarins undir þessum dagskrárlið: Eigna- og veitustjóri Grindavíkurbæjar.

Minnisblað eigna- og veitustjóra, dags. 22.08.2026, vegna uppgjörs á niðurrif á Vörðusundi 1. Í minnisblaðinu er óskað eftir heimild til að klára uppgjör við eigendur.

Bæjarráð samþykkir lokauppgjörið og felur eigna- og veitustjóra að gera upp við húseigendur.

Lagt fram minnisblað frá HES, dags. í ágúst 2026, varðandi breytingar á fyrirkomulagi heilbrigðiseftirlits eftir 1. janúar 2027 þegar breytingar vegna laga 82/2026 taka gildi.

Bæjarráð óskar eftir að fá framkvæmdastjóra HES, Ásmund Þorkelsson, á næsta fund bæjarráðs nk. þriðjudag.

Gestur fundarins undir þessum dagskrárlið: Sviðsstjóri félagsþjónustu- og fræðslusviðs.

Lögð fram Jafnréttisáætlun Grindavíkurbæjar 2023-2026.

Sveitarstjórnir skulu eigi síðar en ári eftir sveitastjórnarkosningar leggja fram til samþykktar áætlun um jafnréttismál til næstu fjögurra ára.

Bæjarráð vísar málinu til samfélagsnefndar.

Gestur fundarins undir þessum dagskrárlið: Sviðsstjóri félagsþjónustu- og fræðslusviðs.

Lagt er til að efnt verði til samkeppni um nafn á nýjum samreknum leik- og grunnskóla.

Bæjarráð telur að það sé ekki þörf á að endurnefna stofnanir bæjarins að svo stöddu.

Gestur fundarins undir þessum dagskrárlið: Sviðsstjóri félagsþjónustu- og fræðslusviðs.

Lagt fram bréf, dags. 20. ágúst 2026, Lögreglustjórans á Suðurnesjum varðandi framhald samstarfsins "Öruggari Suðurnes" sem er svæðisbundið samráð gegn ofbeldi og afbrotum.

Óskað er eftir tilnefningum í samstafshópinn.

Bæjarráð tilnefnir Ásthildi K. Björnsdóttur délagsráðgjafa í samstarfshópinn.

Gestur fundarins undir þessum dagskrárlið: Sviðsstjóri frístunda- og menningarsviðs.

Lagt fram minnisblað sviðsstjóra frístunda- og menningarsviðs, dags. 27.08.2026 vegna áætlunar um frístundastarf fyrir börn og ungmenni í Grindavík.

Bæjarráð felur sviðsstjóra frístunda- og menningarsviðs að vinna heildstæða áætlun um frístundastarf fyrir börn og ungmenni í Grindavík utan skólatíma í samráði við starfsfólk og stjórnendur skóla, félagsmiðstöðvar, bókasafns, UMFG, börn og ungmenni og aðra hagaðila eftir því sem við á.

Lagt fram bréf frá Faghóp 3 í rammaáætlun, dags. 25.08.2026, um vindorkuhugmyndir vegna mosfellsheiðarvirkjana.

Bæjarstjóra er falið að svara erindinu.