Bæjarráð Grindavíkur - 1509. fundur

Sviðsstjóri skipulags- og umhverfissviðs ásamt forstöðumanni íþróttamannvirkja sátu fundinn undir þessum dagskrárlið og upplýstu um stöðu framkvæmda.

Bæjarráð felur sviðsstjóra skipulags- og umhverfissviðs að fá kostnaðaráætlun á þá þætti sem eftir er að vinna svo taka megi húsið í notkun í haust.

Málinu er frestað til næsta fundar.

Isavia leggur til að sveitarfélögin á Suðurnesjum vinni að samfélagslegum verkefnum í samvinnu við atvinnulífið og hagsmunasamtök út frá Heimsmarkmiðum Sameinuðu þjóðanna.

Bæjarráð lýsir ánægju sinni með verkefnið.

Beiðni um umsögn vegna umsóknar Cactus veitinga ehf að rekstrarleyfi Salthússins fari úr flokki 2 í flokk 3.

Bæjarráð samþykkir veitingu leyfisins.

Skólastjóri Leikskólans Lautar óskar eftir viðauka vegna ársins 2019 að fjárhæð 250.000 kr. á lykilinn 04111-4012 til að kaupa og reka viðbót við leikskólakerfið Karellen til að halda utanum leikskólagjöld.

Bæjarráð leggur til við bæjarstjórn að samþykkja viðaukann.

Málið er lagt fyrir af forseta bæjarstjórnar og formanni bæjarráðs.

Bæjarráð leggur til við bæjarstjórn að eingöngu verði um útsendingu að ræða á meðan á fundi stendur en ekki að upptaka verði geymd á veraldarvefnum.

Bókun

Fulltrúi U-listans telur að upptaka ætti að lifa að minnsta kosti að næsta bæjarstjórnarfundi til þess að fleiri hefðu tök á að sjá útsendinguna.

Verkefni og skipulag Vinnuskólans lögð fram.

Óskað er eftir styrk sem jafngildir leigugjaldi vegna kútmagakvölds í íþróttahúsinu.

Bæjarráð samþykkir að taka af styrktarlið bæjarráðs til að styrkja Lions vegna húsaleigu kútmagakvöldsins.

Þær íþróttadeildir sem stóðu fyrir þorrablóti 2019 í íþróttahúsinu óska eftir styrk frá Grindavíkurbæ.

Bæjarráð samþykkir styrk að fjárhæð 400.000 kr. sem tekinn verði af styrktarlið bæjarráðs.