Bæjarráð Grindavíkur - 1713. fundur

Gestur fundarins undir þessum dagskrárlið: Atli Geir Júlíusson ráðgjafi.

Í samræmi við 35. gr. skipulagslaga nr. 123/2010 skal sveitarstjórn meta hvort ástæða sé til að endurskoða aðalskipulag sveitarfélagsins innan tólf mánaða frá sveitarstjórnarkosningum.

Atli Geir hélt kynningu um endurskoðun aðalskipulagsins hvað varðar hlutverk sveitarstjórnar, lögbundin ferli og helstu viðfangsefni sem framundan eru.

Bæjarráð felur bæjarstjóra og skipulagsfulltrúa að vinna málið áfram með það að leiðarljósi að endurskoðun verði hafin.

Gestur fundarins undir þessum dagskrárlið: Sviðsstjóri frístunda- og menningarsviðs.

Lögð fram tillaga að endurnýjun skólalóðar við Ásabraut ásamt kostnaðaráætlun við fyrsta áfanga.

Bæjarráð felur sviðsstjóra frístunda- og menningarsviðs að vinna málið áfram.

Gestur fundarins undir þessum dagskrárlið: Sviðsstjóri frístunda- og menningarsviðs.

Lagt er fram erindi frá Ferðamálastofu þar sem tilkynnt er um synjun á umsókn Grindavíkurbæjar um styrk úr Framkvæmdasjóði ferðamannastaða. Með erindinu fylgir rökstuðningur fyrir ákvörðuninni.

Bæjarráð felur sviðsstjóra frístunda- og menningarsviðs að vinna málið áfram.

Fyrir liggur svofelld tillaga að skipan í almannavarnanefnd Grindavíkur:

Aðalmenn:

A. Bæjarstjóri

B. Einar Sveinn Jónsson, slökkviliðsstjóri

C. Sigurður A. Kristmundsson, hafnarstjóri/innviðasvið

D. Bogi Adolfsson, fulltrúi björgunarsveitar

E. Páll Þorbjörnsson, fulltrúi Rauða krossins

F. Fulltrúi lögreglu

G. Lögreglustjórinn á Suðurnesjum (fast sæti)

Varamenn:

a. Hjálmar Hallgrímsson frá Grindavíkurbæ

b. Pétur Már Benediktsson, varaslökkviðiðsstjóri

c. Sigurður Rúnar Karlsson, eigna- og veitustjóri

d. Otti Rafn Sigmarsson frá björgunarsveit

e. Aldís Hauksdóttir frá Rauða krossinum

f. Fulltrúi lögreglu

Ekki hafa borist tilnefningar um fulltrúa lögreglu.

Bæjarráð samþykkir ofangreinda nefndarskipan.

Fundargerð 579. stjórnarfundar Kölku dags. 14.04.2026 er lögð fram til kynningar.

Fundargerð 580. stjórnarfundar Kölku dags. 12.05.2026 er lögð fram til kynningar.